भारतीय वंशाचे ऋषी सुनक ब्रिटनचे पंतप्रधान झाले आणि त्याची चर्चा जगभर होऊ लागली. सुनक यांची पंतप्रधानपदी निवड होताच शिवसेना नेते मिलिंद नार्वेकर यांनी सुधा मूर्ती यांना थेट फोन केला आहे. ट्वीट करत नार्वेकरांनी याविषयीची माहिती दिली आहे.

मिलिंद नार्वेकर आपल्या ट्वीटमध्ये म्हणतात, "तिरुपती देवस्थानाच्या माजी सदस्या श्रीमती सुधा मूर्ती यांच्याशी फोनवरुन संवाद साधला. ऋषी सुनक ब्रिटनचे पंतप्रधान बनल्याबद्दल मूर्ती परिवाराला माझ्या शुभेच्छा दिल्या". ऋषी सुनक हे नारायण मूर्ती आणि सुधा मूर्ती यांचे जावई आहेत.

ऋषी सुनक भारतीय वंशाचे आहेत. त्यांचे आई वडील पंजाबी ब्राह्मण होते. ते इन्फोसिस कंपनीचे संस्थापक नारायण मूर्ती आणि सुधा मूर्ती यांचे जावई आहेत. २००९ मध्ये सुनक यांनी या दोघांची मुलगी अक्षताशी बंगळुरूमध्ये विवाह केला. या दोघांना दोन मुली आहेत.