राज्याचे उपमुख्यमंत्री देवेंद्र फडणवीस यांचा आज वाढदिवस आहे. त्यानिमित्ताने भाजपा आमदार प्रसाद लाड यांनी त्यांना शुभेच्छा दिल्या आहेत. यावेळी त्यांनी फडणवीसांची तुलना प्रभू श्रीरामांशी तर स्वतःची तुलना हनुमानाशी केली आहे. (Devendra Fadnavis Birthday News)

उपमुख्यमंत्री देवेंद्र फडणवीस यांची त्यांच्या वाढदिवसाच्या निमित्त भेट घेतली. आमदार प्रसाद लाड यांनी प्रभू श्रीराम आणि हनुमान यांची संपूर्णपणे एकाच दगडात कोरलेली मूर्ती भेट केली. यावेळी ट्वीट करत ते म्हणाले की, जसं प्रभू विना हनुमान अपूर्ण, तसा मी सुद्धा! माझ्या प्रभू श्रीरामांच्या वाढदिवसादिवशी दीर्घायुष्यासाठी मी प्रार्थना करतो.

आज देवेंद्र फडणवीस (Devendra Fadnavis) यांचा वाढदिवस आहे. त्यानिमित्त त्यांच्यावर शुभेच्छांचा वर्षाव होत आहे. मुख्यमंत्री एकनाथ शिंदे यांनी सकाळीच त्यांची भेट घेत त्यांना शुभेच्छा दिल्या आहेत. तर शिंदे गटातले संजय राठोड, संदीपान भुमरे, दादा भुसे हेही सागर बंगल्यावर शुभेच्छा देण्यासाठी आले आहेत.