पुणे : कडाक्याचा उन्हाळा जाणवत असताना राज्यात पुढील तीन दिवस मध्यम ते जोरदार पाऊस पडणार असल्याचा अंदाज हवामान खात्याने वर्तवला आहे. सध्या राज्यात वाहणाऱ्या चक्राकार वाऱ्यांमुळे पावसाला पोषक असे वातावरण तयार झाले आहे. त्यामुळे मध्य महाराष्ट्रासह विदर्भातील तुरळक भागांमध्ये मेघागर्जनांसह पाऊस पडेल असे हवामान विभागाने नमूद केले आहे.

ताज्या बातम्यांसाठी डाऊनलोड करा ई-सकाळचे ऍप

मध्य महाराष्ट्र, मराठवाडा आणि विदर्भातील तुरळक भागांमध्ये बुधवारी (ता. 29) विजांच्या कडकडाटासह जोरदार पाऊस पडेल, असा अंदाज मंगळवारी (ता.28) हवामान विभागाने दिला. दरम्यान पावसाबरोबर सोसाट्याच्या वारे वाहतील असे ही सांगण्यात आले आहे. तर राज्यातील बहुतांश भागांमध्ये दुपारनंतर पावसाच्या सरी बरसतील. मात्र, त्यानंतर राज्यातील कमाल आणि किमान तापमानात वाढ होण्याची शक्यता वर्तविण्यात आली आहे. मंगळवारी राज्यातील सर्वाधिक कमाल तापमान जळगाव येथे 41. 2 अंश सेल्सिअस इतके नोंदले गेले. तसेच राज्यातील तुरळक ठिकाणी पावसाने हजेरी लावली होती. 

कोरोना असताना जगावर आस्मानी संकट?; अमेरिकेने शेअर केले उडत्या तबकड्याचे व्हिडिओ

शहरात सुद्धा ढगाळ वातावरण 

पुणेकरांना पुढील तीन दिवस दुपारपर्यंत उन्हाचे चटके तर सायंकाळी ढगाळ व हलका पाऊस अनुभवायला मिळणार आहे. शहर आणि परिसरात बुधवार ते शुक्रवार ढगाळ वातावरणाची शक्यता हवामान खात्याने वर्तवली आहे. त्याचबरोबर हलक्या स्वरूपाचा पाऊस पडण्याचा इशारा देण्यात आला आहे.

पुण्याच्या बातम्या वाचण्यासाठी येथे ► क्लिक करा 

मंगळवारी शहर व परिसरातील कमाल तापमान 38 अंश सेल्सिअस, तर किमान तापमान 22.3 अंश सेल्सिअस इतके नोंदविण्यात आले. तसेच शुक्रवारपर्यंत शहर व परिसरातील कमाल तापमान 40 अंश आणि किमान तापमान 22 अंश सेल्सिअसच्या जवळपास असेल. तर रविवारनंतर (ता. 3 मे) शहरातील वातावरण कोरडे राहणार असल्याचा अंदाजा हवामान खात्याने दिला आहे.

पुण्याच्या बातम्या वाचण्यासाठी येथे ► क्लिक करा 

शहर व परिसरात येत्या शुक्रवापर्यंत विजांच्या कडकडाटासह पाऊस पडू शकतो. दरम्यान यावेळी 30 ते 40 किलोमीटर प्रति तास इतक्या वेगाने वारे वाहतील. तसेच शहरातील तुरळक भागांमध्ये दुपारनंतर सोसाट्याच्या वाऱ्यांसह हलका पाऊस पडू शकतो.

- अनुपम काशयपी, हवामानशास्त्रज्ञ - भारतीय हवामान विभाग