उस्मानाबाद : हालाखीच्या स्थितीत महिला खेळाडू जीवन जगत आहे. प्रणिता मोहन पवार असे त्या महिला खेळाडूचे नाव आहे. उस्मानाबाद (Osmanabad) जिल्ह्यातील रामतीर्थ तांडा (ता.तुळजापूर) येथील प्रणिता ही रहिवासी आहे. वर्ष २०१७ मध्ये श्रीलंकेत पार पडलेल्या आंतरराष्ट्रीय कराटे स्पर्धेत भारताला तिने सुवर्ण पदक मिळवून दिले होते. यातून तिने देशाचे नाव जगभरात पोहोचवले. पण या आंतरराष्ट्रीय खेळाडूवर उपासमारीची वेळी आली आहे. दीड वर्षांपूर्वी कोरोनाने प्रणिताच्या वडिलांचे निधन झाले. ते रिक्षा चालवून घर चालवत होते. या घटनेमुळे तिच्या कुटुंबावर दुःखाचा डोंगर कोसळला. आई काही काम करुन कसेतरी घर खर्च करत आहे. (Raj Thackeray Talks With Karate Player Pranita Pawar And Give Courage)

मात्र प्रणिताच्या कुटुंबावर उपासमारीची वेळ आली आहे. याची माहिती महाराष्ट्र नवनिर्माण सेनेचे जिल्हाप्रमुख प्रशांत नवगिरे यांना मिळाली. त्यांनी प्रणिताच्या कुटुंबीयांची भेट घेतली. याबाबत पक्षप्रमुख राज ठाकरेंना (Raj Thackeray) माहिती देताच त्यांनी प्रणिता पवारशी (Pranita Pawar) फोनवरुन संवाद साधत धीर दिला. पक्षाने शैक्षणिक दायित्व स्वीकारत आर्थिक व इतर मदत केली आहे. मनसेने पाठिशी राहावं अशी विनंती प्रणिताने राज ठाकरेंना केली आहे.