जयसिंगपूर (कोल्हापूर) : जिल्हा बँकेच्या (KDCC Bank Elections)विजयाबद्दल कोरोना (Coronavirus)नियमांचा भंग करून मिरवणूक काढल्याप्रकरणी सार्वजनिक आरोग्य राज्यमंत्री राजेंद्र पाटील-यड्रावकर (Rajendra Patil Yadravkar) यांच्यासह चारशे ते पाचशे कार्यकर्त्यांवर जयसिंगपूर (Jaysingpur)पोलिसात गुन्हा दाखल झाला आहे. पोलीस कॉन्स्टेबल विजय पाटील (Vijay Patil)यांनी पोलिसात फिर्याद दिली. शनिवारी (ता.९) जयसिंगपूर येथील क्रांती चौक ते गल्ली नंबर सहा दरम्यान विजयी मिरवणूक काढली. यात जेसीबीच्या (JCB) साह्याने गुलालाची उधळण करण्यात आली.

कोरोनाचे नियम डावलून मिरवणूक काढल्याप्रकरणी राज्यमंत्री यड्रावकर (Rajendra Patil Yadravkar)त्यांचे बंधू उपनगराध्यक्ष माजी उपनगराध्यक्ष संजय पाटील यड्रावकर, राहुल बंडगर, रोहित पाथरवट, विनायक गायकवाड, तेजस उपाध्ये, अभिनंदन देमापुरे, अक्षय परळीकर, शुभम ऐतवडे (रा. जयसिंगपूर), धीरज पाराज (रा. दानोळी) यांच्यासह सुमारे चारशे ते पाचशे कार्यकर्त्यांवर गुन्हा दाखल करण्यात आला. पोलीस उपनिरीक्षक श्री वाघ तपास करत आहेत.