Kunal Patil
महाराष्ट्र बातम्या

कोकणात ‘रेड अलर्ट’; मुंबई, पुणे, कोल्हापुरात मुसळधारेचा इशारा

सकाळ वृत्तसेवा

पुणे : गेल्या आठवड्यापासून कोकणात मुसळधार पाऊस पडत आहे. मध्य महाराष्ट्रातही पावसाचा जोर कमी असला, तरी तुरळक ठिकाणी जोरदार पाऊस पडत आहे. खानदेश, मराठवाडा व विदर्भात पावसाच्या तुरळक सरी पडत आहेत. पुढील चार ते पाच दिवस कोकण, पुणे, सातारा, कोल्हापूर जिल्ह्याला रेड अलर्ट देण्यात आला आहे. मुंबई, रायगड, रत्नागिरी, सिंधुदुर्गात आजसाठी रेड अलर्ट देण्यात आला आहे. उर्वरित भागात हलका पाऊस पडण्याचा अंदाज हवामान विभागाच्या सूत्रांनी वर्तविला.

महाराष्ट्राची किनारपट्टी ते कर्नाटकाची किनारपट्टीदरम्यान कमी दाबाच्या पट्ट्याची द्रोणीय स्थिती आहे. तसेच अरबी समुद्राच्या उत्तर भाग ते आंध्र प्रदेशचा किनारपट्टी दरम्यान पूर्व - पश्‍चिम कमी दाबाचा पट्टा सक्रिय आहे. त्याचे रूपांतर चक्रीय वाऱ्यांमध्ये होण्याची शक्यता असून, हा पट्टा उत्तर महाराष्ट्र आणि तेलंगणापर्यंत आहे. हा पट्टा समुद्रसपाटीपासून ३.१ आणि ४.५ किलोमीटर उंचीवर आहे. ही स्थिती कोकणातील जोरदार पावसासाठी पोषक ठरत असल्याने अनेक भागांत पाऊस पडत आहे. मध्य महाराष्ट्र, खानदेश मराठवाडा व विदर्भाच्या अनेक भागांत ढगाळ वातावरण आहे. काही ठिकाणी अधूनमधून ऊन पडत आहे. ही स्थिती पुढील काही दिवस कायम राहणार आहे. राज्यातील अनेक भागांत कमाल तापमानात चांगलीच घट झाली आहे. कमाल तापमानाबरोबर किमान तापमानात किंचित घट झाली आहे. रविवारी (ता. १८) सकाळी आठ वाजेपर्यंत ब्रह्मपुरी येथे ३६.३ अंश सेल्सिअस कमाल तापमानाची नोंद झाली.

येथे होणार जोरदार पाऊस :

सोमवार ः संपूर्ण कोकण, मुंबई, पुणे, सातारा, कोल्हापूर, सांगली, सोलापूर, लातूर, उस्मानाबाद, बीड, वाशीम, अमरावती, नागपूर, यवतमाळ,

मंगळवार ः संपूर्ण कोकण, पुणे, सातारा, कोल्हापूर, भंडारा, नागपूर

बुधवार ः संपूर्ण कोकण, पुणे, सातारा, कोल्हापूर, परभणी, हिंगोली, नांदेड, अकोला, अमरावती, वाशीम

गुरुवार ः संपूर्ण कोकण, पुणे, सातारा, कोल्हापूर, भंडारा, गोंदिया

राज्यातील प्रमुख शहरांमध्ये रविवारी (ता. १८) सकाळी आठ वाजेपर्यंत नोंदवले गेलेले कमाल तापमान (अंश सेल्सिअसमध्ये) कंसात सरासरीच्या तुलनेत झालेली

वाढ :

पुणे - ३०.६ (२.५)

कोल्हापूर - २७.९ (१.१)

महाबळेश्‍वर - २१.१ (१.३)

मालेगाव - ३३.८ (३)

नाशिक - ३०.९ (२.४)

सांगली - २८.८ (-०.१)

सातारा - २८.७ (१.८)

सोलापूर - ३१.८ (०.१)

मुंबई (कुलाबा) - २९.७ (-०.५)

अलिबाग - ३०.७ (०.७)

रत्नागिरी - २८.७ (-०.३)

डहाणू - ३१.५ (१.०)

औरंगाबाद - ३२.६ (२.५)

परभणी - ३३.४ (१.८)

नांदेड - ३३.५ (०.९)

अकोला - ३५.६ (३.४),

अमरावती - ३४ (३.६)

बुलडाणा - ३२ (३.३)

ब्रह्मपुरी - ३६.३ (५.७)

चंद्रपूर - ३३.८ (२.३)

गोंदिया - ३४ (२.६)

नागपूर - ३४.६ (३.१)

वर्धा - ३४.६ (३)

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Maratha Kranti Morcha: मराठा क्रांती मोर्चाची शिर्डीत बैठक! जरांगे पाटलांच्या भूमिकेवर प्रश्नचिन्ह, विखे पाटलांच्या राजीनाम्याची मागणी

ताजमहालला हिरवा कंदील, निजामुद्दीन दर्ग्याला नकार; पाकिस्तानी शिष्टमंडळाबाबत भारताचा मोठा निर्णय, आणखी कुठं जाण्याची दिली परवानगी?

Latest Marathi News Live Update: पुण्यातील 'अमेझॉन' आणि 'बिग बास्केट'च्या डार्क स्टोअर्सवर एफडीएची धडक कारवाई

IND A vs PAK A: पाकिस्तानला हरवताच भारताचं सेमीफायनलचं तिकीट पक्कं होणार? जाणून घ्या संपूर्ण समीकरण

Maharashtra Housing Society Election Rules : छोट्या हौसिंग सोसायट्यांना मोठा दिलासा! आता ३५ दिवसांऐवजी अवघ्या ९ ते १३ दिवसांत पार पडणार निवडणुका; राज्य सरकारचा मोठा निर्णय

SCROLL FOR NEXT