- सुशांत सावंत
मुंबई: मुंबईसह महाराष्ट्रात (Maharashtra) आता कोरोनाची (corona) स्थिती पूर्णपणे नियंत्रणात आहे. कोरोना प्रतिबंधक लसीचे एक किंवा दोन डोस (vaccine) पूर्ण केलेल्यांची संख्या वाढत आहे. राज्यात बऱ्याच गोष्टी सुरु झाल्या आहेत. २२ ऑक्टोबरपासून नाटयगृह, सिनेमागृह सुरु होणार आहेत. एकूणच या परिस्थितीच्या पार्श्वभूमीवर सह्याद्री अतिथीगृहात आज राज्य मंत्रीमंडळाची महत्त्वाची बैठक (cabinet meeting) होणार आहे. राज्यात कोरोना रुग्णांची संख्या कमी होत असली, तरी मृत्यूचा आकडा वाढत असल्याने राज्य मंत्रिमंडळाच्या बैठकीत यावर चर्चा होणार आहे.
राज्यातील कोरोना परिस्थिती आणि उपाय योजनांचा आढावा बैठकीत घेण्यात येणार आहे तसेच कोरोना रोखण्यासाठीच्या उपाय योजनांचा आढावा सादरीकरण करण्यात येणार आहे. याचसोबत राज्यातील पीकपाणी परिस्थितीवर देखील चर्चा होणार आहे.
केंद्र सरकारची मादक सेवन प्रतिबंधक योजना महाराष्ट्रात राबविण्याचा निर्णय आजच्या मंत्रिमंडळ बैठक होण्याची शक्यता आहे. मागच्या काही दिवसांपासून एनसीबीकडून ड्रग्ज तस्करांविरोधात जोरदार कारवाई सुरु आहे. कॉर्डीलिया क्रूझ ड्रग्ज प्रकरणाची संपूर्ण देशात चर्चा सुरु आहे. शाहरुखचा मुलगा आर्यन या प्रकरणी अटकेत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.