काल अफगाणिस्तान आणि ऑस्ट्रेलिया या संघांमध्ये एकदिवसीय विश्वचषक स्पर्धेत सामना खेळवला गेला. या सामन्यात ऑस्ट्रेलियाने ३ गडी राखून अफगाणिस्तानचा पराभव केला. ग्लेन मॅक्सवेल याने एकाट्याने खिंड लढवली आणि एक विक्रम आपल्या नावावर केला. ग्लेन मॅक्सवेलने या सामन्यात द्विशतक झळकावलं.
फलंदाजी करताना त्याच्या पायाला दुखापत झाली होती. त्याला नीट पळताही येत नव्हतं, पण तरीही तो खेळत राहीला आणि ऑस्ट्रेलिया संघाला विजयाचा उंबरठा पार करुन दिला. त्याच्या या खेळाचं सर्वत्र कौतुक होत आहे, अशातच राष्ट्रवादीचे नेते आणि आमदार रोहित पवार यांनी यासंबधी एक पोस्ट सोशल मिडीयावर पोस्ट शेअर केली आहे.
ग्लेन मॅक्सवेलचं कौतुकही रोहित पवारांनी यावेळी केलं आहे. ग्लेन मॅक्सवेलची एका पायावरील खेळी पाहून रोहित पवारांनां शरद पवार पवारांची आठवण झाली. ग्लेन मॅक्सवेल आणि शरद पवार यांचा फोटो शेअर करत रोहित पवारांनी एक पोस्ट लिहली आहे.
"परिस्थिती कितीही विरोधात असली...मैदानात ‘योद्धा’ जखमी झाला तरी वेदनांना गाडून त्यावर हास्याचा लेप लावत त्वेषानं लढावंच लागतं… नुसतं लढावंच लागत असं नाही तर शानदार पद्धतीने विजयही खेचून आणावा लागतो… अशा वेळी परिस्थितीही नक्कीच साथ देते, मग ते मैदान क्रिकेटचं असो की राजकीय! हेच काल ग्लेन मॅक्सवेलनं दाखवून दिलं..", अशी पोस्ट रोहित पवारांनी लिहली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.