अँटिलिया प्रकरणात (Antilia Case) दररोज वेगवेगळे खुलासे समोर येत आहेत. मुंबईचे (Mumbai) माजी पोलीस आयुक्त आणि माजी गृहमंत्री अनिल देशमुख (Anil Deshmukh) यांनी एकमेकांवर आरोप प्रत्यारोपांची राळ उठवली आहे. परमबीर सिंह (Parambir Singh) यांनी आता आणखी धक्कादायक आरोप केला आहे. मुंबईतील मोठ्या गुन्ह्यांसंदर्भात सचिन वाजे (Sachin Vaze) दररोज माजी गृहमंत्री अनिल देशमुख यांना भेटत असल्याचा गंभीर आरोप परमबीर सिंह यांनी केला आहे.

निलंबित पोलीस अधिकारी सचिन वाजे हे मुंबई पोलीस दलातील सीआययू पथकाचे इन्चार्ज असताना त्यांच्याकडे TRP, DC कार प्रकरण, क्रिकेट बेटिंग प्रकरणासारखे गंभीर गुन्हे तपासासाठी देण्यात आलेले होते. या गुन्ह्यातील तपासाची माहिती वाजे गृहमंत्र्यांना द्यायचे. तसंच त्यांच्याकडून येणाऱ्या सुचनांप्रमाणे ते काम करत होते असं समजतंय.

दुसरीकडे वाजेला आपण ओळखतच नसल्याचा दावा अनिल देशमुख यांनी चांदिवाल आयोगाकसमोर केला होता. फक्त अनिल देशमुखच नाही तर परिवहन मंत्री अनिल परब हे सुद्धा वाजेच्या थेट संपर्कात असून SBUT प्रकरण आणि पालिकेतील कंत्राटदारांबाबत आलेल्या तक्रारींवर लक्ष घालण्यास परब यांनी सा़गितल्याचा आरोप परमबीर सिंह यांनी केला आहे.