कोल्हापूर: कोल्हापूर जिल्हा मध्यवर्ती सहकारी (केडीसीसी) बँकेच्या (KDCC Bank Election)निवडणुकीत चुरशीने मतदान होत आहे. कागल (Kagal) येथील श्री शाहू हायस्कूल ज्युनियर कॉलेज मतदान केंद्रावर सत्तारूढ पॅनलचे प्रमुख ग्रामविकास मंत्री हसन मुश्रीफ (Hasan Mushrif) व विरोधी पॅनेलचे प्रमुख खासदार संजय मंडलिक (Sanjay Mandlik) सकाळी साडेसात वाजल्यापासूनच ठिय्या मारून आहेत.(Kolhapur District Bank Election 2022)

कागल तालुक्यात पुन्हा एकदा मंडलिक मुश्रीफ पाहायला मिळत आहे. दरम्यान "मोठ्या भावाला भेटून यायला लागतंय" अस म्हणत खासदार संजय मंडलिक यांनी मतदान केंद्राबाहेर सत्तारुढ गटाच्या बुथमध्ये बसलेल्या ग्रामविकास हसन मुश्रीफ यांची भेट घेऊन आशीर्वाद घेतला. त्यामुळे दोन्ही गटाचे कार्यरते आवक झाले. दोन मिनिटाच्या भेटीनंतर पुन्हा खासदार मंडलिक मतदाराच्या स्वागतासाठी केंद्राबाहेर उभे राहिले.

भगव्या टोप्या

कागल केंद्रावर खासदार संजय मंडलिक यांच्या ठराव दार मतदारांनी शक्तिप्रदर्शन करत भगव्या टोप्या परिधान करून मतदान केले.