मुंबई: कथित पत्राचाळ घोटाळा प्रकरणात तब्बल १०० दिवसांपासून तुरुंगात असलेले ठाकरे गटाचे खासदार संजय राऊत यांना आज अखेर पीएमएलए कोर्टाकडून जामीन मंजूर झाला आहे. यानंतर आज पीएमएल कोर्टाने ईडीवर ताशेरे ओढले असून संजय राऊत आणि प्रवीण राऊत यांच्या अटकेबद्दल प्रश्नचिन्ह उपस्थित केले आहे. PMLA कोर्टाने ई़डीने या प्रकरणात आपल्या मर्जीने आरोपी निवडले असून तसेच संजय राऊत आणि प्रवीण राऊत यांना बेकायदेशीरित्या अटक केली असल्याचे म्हटले आहे.

विशेष पीएमएल कोर्टाने संजय राऊत आणि प्रवीण राऊत यांच्या जामिनासाठी १२२ पानांचे आदेश काढले असून याच्या १२० पानावर १५३ या पॉंइटमध्ये लिहीलेलं आहे की, कोर्टाला असे वाटते की हे दोन्ही आरोपींना बेकायदेशीरित्या अटक केली आहे. तसेत राकेश वाधवान आणि सारंग वावधान हे मुख्य आरोपी असूनही त्यांना अटक केली नही असे कोर्टाच्या आदेशात म्हटले आहे.

हेही वाचा : बातम्या, टिप्सचा गुंतवणुकीवर नका होऊ देऊ परिणाम

या प्रकरणात संजय राऊत हे मुख्य सुत्रधार असल्याचे ई़डीकडून सांगण्यात येत होते. तसेच प्रवीन राऊत यांनी जे काही केलं ते संजय राऊत यांच्या म्हणण्यानुसार केलं असल्याचे ईडीने म्हणणे आहे. मात्र आता कोर्टाने या दोघांना केलेली अटक ही अवैध असल्याचे सांगितले आहे.