शिवसेनेतून बंड करत एकनाथ शिंदेंनी भाजपाचा हात धरला. देवेंद्र फडणवीसांसोबत सत्तास्थापन केली आणि दोघांनाही अनपेक्षितपणे आपापली पदं मिळाली. एकनाथ शिंदे मुख्यमंत्री झाले तर देवेंद्र फडणवीस उपमुख्यमंत्री झाले. यावरुनच आज संजय राऊतांनी टोला लगावला आहे. (Sanjay Raut News)

संजय राऊतांनी सकाळी माध्यमांशी संवाद साधला. त्यावेळी त्यांना शिंदे (Eknath Shinde) आणि फडणवीस (Devendra Fadnavis) सरकारविषयी विचारणा करण्यात आली. त्यावेळी ते म्हणाले की, उप हा शब्द त्यांच्यासमोर लावणं खूप जड जातंय. त्यांना माजी किंवा भावी मुख्यमंत्री म्हटलं जावं. त्यांनी आपल्यावर सुरू असलेल्या ईडी कारवाईबद्दलही भाष्य केलं आहे.

सरकार आणि एकनाथ शिंदेंवर टीका करताना संजय राऊत (Sanjay Raut) म्हणाले की, स्वाभिमानाच्या गोष्टी करायच्या, हिंदुत्वाच्या गोष्टी करायच्या आणि असं वागायचं. आम्हाला बाळासाहेबांनी प्राण जाए पर वचन ना जाए असं शिकवलं. ठाण्यातल्या बॅनरबाजीवरुन एकनाथ शिंदेंनी गुमराह करण्याचा प्रयत्न केलाय. हा सेनेचा मुख्यमंत्री नाही, हे उद्धव ठाकरेंनी आधीच स्पष्ट सांगितलंय.