मुंबई - महाराष्ट्राच्या महाआयटीत २५ हजार कोटींचा घोटाळा झाला. त्यातील आरोपीला देशाबाहेर पळून जाण्यात त्यांनी मदत केली. पवईचे लोकही काही आहेत, तिथे किरीट सोमय्या जो दलाल आहे ज्याच्या हातात चप्पल आहे तो स्वत:लाच मारून घेणार आहे. महाराष्ट्रातील लोक एक दिवस त्याची धिंड काढणार आहेत. (Sanjay Raut on Kirit Somaiya)

पुनर्वसनाच्या नावाखाली ३८ एकरचा भूखंड घोटाळा करून ४३३ बोगस लोकांना त्यात घुसवलं. ज्यांचा त्यावर अधिकार नाही, एजंटचा वापर करून घोटाळा केला. माझ्याकडे याची कागदपत्रे आहेत. त्यांना धमक्या देण्यात आल्या. ४३३ लोकांकडून २५-२५ लाख रुपये एजंटमार्फत घेतल्याचा आरोपही संजय राऊत यांनी केला.

फडणवीसांच्या नावानेही सोमय्या यांनी वसुली केल्याचा खळबळजनक आरोप संजय राऊत यांनी केला. ही वसुली ३०० कोटींची होती आणि यासंदर्भातली कागदपत्रे मी संबंधित तपास यंत्रणांकडे देणार आहे. तत्कालीन मुख्यमंत्री फडणवीस यांच्या नावाने अनेकांनी शेकडो कोटींची वसुली केली असंही राऊत म्हणाले.

बेगाने शादी मे दिवाने होऊ नका असा टोला राऊतांनी चंद्रकांत पाटील यांना लगावला. फडणवीसांकडून असं काम होणार नाही असं मी तेव्हाही म्हणालो होतो. पण त्यांच्या नावाने वसुली केली गेली असा आरोप संजय राऊत यांनी पत्रकारांशी बोलताना केला.

काय चाललंय महाराष्ट्रात? कागदपत्रे घेऊन मी मुख्यमंत्र्यांना भेटायला निघालो आहे. दररोज एक भ्रष्टाचाराची प्रकरणे समोर येत आहेत. गेल्या काही वर्षात साडे सात हजार कोटी रुपयांचा भ्रष्टाचार केला.फडणवीस यांना या सगळ्याची कल्पना असेल असं वाटत नाही असं म्हणत राऊतांनी सोमय्यांवर अनेक आरोप केले. कोट्यवधी रुपयांची वसुली केल्याचं ते म्हणाले.