मुंबई : कोळशाचा तुटवडा आणि राज्यातील विजेची वाढती मागणीमुळे वीज पुरवठा (Powr Supply) सुरळीतपणे देण्यास महावितरणला अनेक अडचणींना सामोरे जावे लागत आहे. दरम्यान, राज्याला लोडशेडींगमध्ये (Load Shading) दिलासा देण्यासाठी प्रयत्न सुरू असल्याची माहिती शिवसेनेचे खासदार संजय राऊत (Sanjay Raut) यांनी दिली आहे. गुरुवारी मुख्यमंत्री उद्धव ठाकरे यांच्या समवेत बैठक पार पडल्यानंतर ऊर्जामंत्री नितीन राऊत (Nitin Raut) यांनी राज्यात लोडशेडिंग करण्याशिवाय पर्याय नसल्याचे सांगत आजपासून लोडशेडिंग करण्यात येणार असल्याचे जाहीर केले. (Sanjay Raut On Maharashtra Load Shading)

राऊत म्हणाले की, राज्यात लोडशेडींग होऊ नये यासाठी चर्चा सुरू असून, खुल्या बाजारपेठेतून कोळसा खरेदी केला जात आहे. जनतेने कुणाचे काही बिघडवलेले नसून, मुख्यमंत्र्यांच्या विनंतीनंतर अडाणींनी कंपनीला आदेश देत वीज पुरवठा सुरू करण्यास सांगितले आहे. परंतु, प्लांट सुरु करण्यास चार पाच तास लागतील असे राऊत म्हणाले. करारानुसार कारवाई करायची नोटीस बजावली असल्याचेही राऊत यांनी यावेळी सांगितले. विरोधकांचे काम बोलण्याचे असल्याचे ते म्हणाले. महाविकास आघाडी सरकारचं काम चांगल नाही तर, गेले अडीच वर्ष कशी कामं झाली असा प्रश्नदेखील राऊत यांनी यावेळी उपस्थित केला.