ठाणे : यांची प्रॉपर्टी जप्त केली तरं हे लोक पत्रकार परिषद घेऊन शिव्या देतात. भर पत्रकार परिषदेत भडवा, चिवत्या अशा शिव्या देतात. ईडीच्या (ED) कारवाईला हेच घाबरतात आणि मला शिव्या देतात. अशा लोकांना ‘लवंडे’ म्हणतात, असे राज ठाकरे (raj thackeray) यांनी सांगितले.

ईडीने (ED) काही दिवसांपूर्वी संजय राऊतांच्या (Sanjay Raut) कुटुंबीयांची चौकशी केली होती. यानंतर ईडीने मोठी कारवाई करीत शिवसेनेचे खासदार संजय राऊत (Sanjay Raut) यांची अलिबागमधील मालमत्ता ( Property) जप्त केली होती. यामुळे संजय राऊतांच्या अडचणीत वाढ झाली.

हेच लोक ईडीच्या कारवाईला घाबरतात. मला ईडीच्या कारवाईला घाबरून ट्रॅक बदलल्याचे म्हणतात. मी ईडीला घाबरत नाही. कोणत्याही कारवाईला समोर जाण्यास तयार आहे. काही चुकीचे केलं नाही तर घाबरण्याची गरजच नाही, असेही राज ठाकरे म्हणाले. हे एका पक्षाचे खासदार, एका वृत्तपत्राचे संपादक असताना पत्रकार परिषदेत शिव्या देतात, असेही संजय राऊत यांचे नाव घेता राज ठाकरे (raj thackeray) यांनी टोला हाणला.

संजय राऊत कुणाचे?

संजय राऊत हे शिवसेनेचे खासदार आहेत की राष्ट्रवादीचे काँग्रेसचे हेच समजत नाही. ते कधी इकडून बोलतात, तर कधी तिकडून बोलतात. नेहमी इकडे तिकडे लुडकत असतात. अशा लोकांना आमच्या आजोबांनी छान शब्द दिला आहे ‘लवंडे’ असेही राज ठाकरे (raj thackeray) म्हणाले.