नाशिकमध्ये शिवसेनेची सत्ता नसतानाही मोठ्या प्रमाणात विकासकामे केली आहेत. याच्या दहा टक्के कामेही भाजपच्या वॉर्डात झालेले नाहीत. आमचे नगरसेवक नगरसेवक आहेत. तर तुमचे नगरसेवक नगरसेठ व नगरपिते आहेत, असा घणाघात शिवसेनेचे (shiv sena) खासदार संजय राऊत (Sanjay Raut) यांनी केला.

विकासकामे करण्याचा बाळकडू शिवसेनेच्या (shiv sena) नगरसेवकांनाच मिळाला आहे. ही बाळासाहेबांची शिवसेना आहे. अंगावर याल तर शिगांवर घेऊन आपटून टाकू. वाढत्या महागाईवर प्रश्न विचारला तर ते भोंगे लावा म्हणतात. आज कोल्हापुरात भाजपचा दारुण पराभव झाला. जनता खूप शहाणी आहेत. म्हणूनच त्यांनी भाजपचे भोंगे उतरवले, असेही संजय राऊत (Sanjay Raut) म्हणाले.

आज महाराष्ट्राला एकजुटीची गरज आहे. कारण, महाविकास आघाडी सरकारला त्रास देण्यासाठी हे केंद्र सरकारचा उपयोग करतात. केंद्रातून सीबीआय, ईडी आदींचा वापर करून त्रास देण्याचा प्रयत्न करतात, असेही संजय राऊत म्हणाले. यादरम्यान त्यांनी मनसे प्रमुख राज ठाकरे यांच्यावरही हल्ला केला. महागाईचा प्रश्न विचारला तर हे लोक भोंगे लावण्याची भाषा करतात, असे राज ठाकरे यांचे नाव न घेता संजय राऊत (Sanjay Raut) म्हणाले.

राज ठाकरे यांनी मशिदींच्या भोंग्यांविरोधात भोंगे लावून हनुमान चालिसेचे पठण करण्याचे आवाहन केले होते. त्यांचे हे भाषण भाजप लिखित असल्याचा आरोप होत होता. याला उत्तर देताना राज ठाकरे यांनी उत्तर सभा घेत पुन्हा सरकारवर निशाणा साधला होता. आता संजय राऊत (Sanjay Raut) यांनी राज ठाकरे यांच्यावर नाव न घेता हल्ला केला.