मुंबई - सरकार स्थापन करण्यासाठी चर्चेची वेळ निघून गेली, आता तुमची दारे बंद करा, अशा शब्दांत शिवसेना खासदार संजय राऊत यांनी खासगी वृत्तवाहिनीला दिलेल्या मुलाखतीत भाजपला फटकारले. शिवसेनेसाठी चर्चेची दारे खुली असल्याचे माजी मुख्यमंत्री देवेंद्र फडणवीस यांनी म्हटले होते.
शिवसेनेने जनमताचा अनादर करून अपेक्षाभंग केला, अशी टीका विरोधी पक्षनेते देवेंद्र फडणवीस यांनी वृत्तवाहिनीला दिलेल्या मुलाखतीत केली आहे. यावर ‘आता आम्ही त्यांच्या कोणत्याही वक्तव्याकडे गांभीर्याने पाहत नसल्याचे’ प्रत्युत्तर संजय राऊत यांनी दिले आहे. तसेच, शिवसेनेसाठी भाजपची दारे उघडी आहेत, असे देवेंद्र फडणवीस यांनी मुलाखतीत म्हटले होते. यावर बोलताना संजय राऊत यांनी म्हटले, की आता दरवाजे उघडे ठेवले आहेत. मात्र जेव्हा दारे उघडायची होती, तेव्हा कडी-कुलूप लावून बसले. ज्या गोष्टी ठरल्या होत्या, त्या स्वीकारायला तयार नव्हते. हे चित्र कसे निर्माण झाले, याचा विचार त्यांनी केला पाहिजे, असे राऊत म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.