Sharad Pawar: जळगावच्या यावल तालुक्यातील किनगाव जवळ शरद पवार यांच्या ताफ्यातील गाड्या एकमेकांना धडकल्या. अपघातात कुणालाही दुखापत झाली नाही. पण वाहनांचे मोठे नुकसान झाले. शरद पवार चोपडा येथून सभा संपवून भुसावळकडे जात असताना हा अपघात झाला आहे. ताफ्यामाग्या चालणाऱ्या गाड्या धडकल्या. यामध्ये चार गाड्यांचे नुकसान झाले आहे.

यापूर्वी शिवसेना (उद्धव ठाकरे गट) नेत्या सुषमा अंधारे यांना घ्यायला जाणारे हेलिकॉप्टर महाराष्ट्रातील महाडमध्ये कोसळले. वैमानिक सुरक्षित असल्याचे सांगण्यात येत आहे.

सुषमा अंधारे थोडक्यात बचावल्या?

हेलिकॉप्टर अपघाताचे कारण अद्याप स्पष्ट झालेले नाही. सुषमा अंधारे हेलिकॉप्टरमध्ये चढण्याआधी हेलिकॉप्टर कोसळले. सुदैवाने मोठा अनर्थ टळला आहे. सकाळी 9.30 वाजता सुषमा अंधारे या बारामतीच्या दिशेने जात होत्या.

यापूर्वी जयंत पाटील देखील त्याच हेलिकॉप्टरने मुंबईला गेले होते. आज दिवसभर अपघाताच्या घटना घडत आहेत.

पुण्याहून रावेरला जाणारी बस घाटात कोसळली -

पुण्याहून रावेरला जाणारी बस घाटात कोसळली. संभाजीनगरच्या घाटात बस कोसळली. यामध्ये ७ ते ८ जण जखमी झाले आहेत. चालकाचे नियंत्रण सुटल्याने हा अपघात झाल्याची चर्चा आहे.