मुंबई : राष्ट्रवादी काँग्रेसचे सर्वोसर्वा शरद पवार यांनी राष्ट्रवादी काँग्रेसच्या अध्यक्षपदावरुन निवृत्तीची घोषणा केली. यानंतर नव्या अध्यक्षांच्या निवडीसाठी एक समितीही गठीत करावी अशी विनंती त्यांनी केली आहे. तसेच या समितीमध्ये कोण सदस्य असतील याची संभाव्य नावंही त्यांनी आपल्या भाषणातच जाहीर केली.

शरद पवारांनी सुचवलेल्या समितीतील संभाव्य नाव

प्रफुल्ल पटेल, सुनील तटकरे, के. के. शर्मा, पी. सी. चाको, अजित पवार, जयंत पाटील, सुप्रिया सुळे, छगन भुजबळ, दिलीप वळसे-पाटील, अनिल देशमुख, राजेश टोपे, जितेंद्र आव्हाड, हसन मुश्रीफ, धनंजय मुंडे, जयदेव गायकवाड, फौजिया खान, धीरज शर्मा, सोनिया दूहन या संभाव्य लोकांचा समावेश करण्याची सूचना शरद पवार यांनी केली आहे.

ही समिती अध्यक्षपदाच्या निवडीबाबत निर्णय घेईल आणि पक्ष संघटना वाढीसाठी, पक्षाची विचारधारा व ध्येयधोरणं जनतेपर्यंत पोचवण्यासाठी, जनसेवेसाठी सातत्यानं झटत राहिलं असा मी विश्वास व्यक्त करतो. मी अध्यक्षपदावरुन जरी निवृत्त होत असलो तरी माझी सार्वजनिक कार्यातून निवृत्ती नाही, त्या सेवेत कुठलाही खंड पडणार नाही, असंही शरद पवार यांनी भाषणात सांगितलं.