Sharad Pawar Resigns राष्ट्रवादी काँग्रेसच्या राष्ट्रीय अध्यक्षपदावरून गोंधळ सुरू असतानाच काँग्रेस नेते राहुल गांधी यांचा थेट फोन खासदार सुप्रिया सुळे यांना आला. त्यानंतर राजकीय वर्तुळात चर्चेला उधाण आलं.
शरद पवार यांनी राजीनामा दिल्यानंतर राष्ट्रवादी काँग्रेसचे अध्यक्ष कोण, अशी चर्चा राजकीय वर्तुळात रंगली आहे. दरम्यान, सुप्रिया सुळे यांच्या नावाची चर्चा जोरदार सुरु आहे. अशातच राहुल गांधी यांनी सुप्रिया सुळे यांना थेट फोन करत राष्ट्रवादीच्या अध्यक्षपदाबाबत आपले मत मांडले आहे.
राहुल गांधी यांनी शरद पवार यांनी आपला राजीनामा मागे घ्यावा. पवारांनी आपल्या निर्णयाचा फेरविचार करावा. अशी विनंती राहुल गांधी यांनी केली. तसेच शरद पवार यांनी घेतलेल्या निर्णयाचे कारण जाणून घेण्याचा प्रयत्नही त्यांनी केला.
तसेच, राहुल गांधी यांच्यासह तामिळनाडूचे मुख्यमंत्री एमके स्टॅलिन यांनीही सुप्रिया सुळे यांना शरद पवार यांच्या निर्णयासंदर्भात फोन केला होता.
शरद पवार यांनी राष्ट्रवादीच्या अध्यक्षपदाचा राजीनामा दिल्याच्या चर्चेने पक्षाचे नेते आणि कार्यकर्ते भावूक झाले आहेत. तर शरद पवार यांचा हा मोठा राजकीय डाव असल्याची चर्चा आहे. शरद पवार यांच्या राजीनाम्याला विरोध होत असताना काल अजित पवार यांनी समर्थन केले होते.
त्यामुळे पुढील राष्ट्रवादीचे अध्यक्ष अजित पवार की सुप्रिया सुळे, अशी चर्चा रंगली होती. दरम्यान राष्ट्रवादी काँग्रेसचे अध्यक्ष पद सुप्रिया सुळे यांच्याकडे देण्यात आल्याची चर्चा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.