मुंबई - २०१९ च्या विधानसभा निवडणुकीच्या निकालानंतर महाराष्ट्रात चौथा भूंकप आज पाहायला मिळाला आहे. एरवी सत्ताधारी भाजपवर सातत्याने टीका करणाऱ्या राष्ट्रवादी काँग्रेस पक्षात मोठी फूट पडली आहे. अजित पवार दिग्गज नेत्यांना घेऊन भाजपमध्ये सामील झाला आहे. मात्र या बंडाची कुणकण राष्ट्रवादी काँग्रेसचे प्रमुख शरद पवार यांना आधीच होता, अशी चर्चा सुरू झाली आहे.

काही दिवसांपूर्वीच शरद पवार यांनी अध्यक्षपदाचा राजीनामा देत निवृत्ती जाहीर केली होती. मात्र त्यांच्या निवृत्तीला पक्षातून मोठा विरोध झाला होता. त्यामुळे अखेर शरद पवार यांनी आपली निवृत्ती मागे घेतली होती. त्यामुळे राष्ट्रवादीतील बंड थांबले वाटत होते. मात्र आज घडलेल्या बंडमुळे पक्ष फुटीला तेव्हापासूनच सुरूवात झाली असावी, असा अंदाज व्यक्त करण्यात येत आहे.

किंबहुना शरद पवार यांना पक्षातील फुटीची कल्पना असावी, त्यामुळेच त्यांनी निवृत्ती जाहीर केली, असंही बोललं जात आहे. दुसरीकडे शरद पवारांचे अत्यंत निकटचे मानले जाणारे, छगन भुजबळ, प्रफुल्ल पटेल, पुतणे अजित पवार, धनंजय मुंडे हे देखील भाजपमध्ये दाखल झाले आहेत.