पहाटेची शपथविधी ही पवारांची खेळी असू शकते असं वक्तव्य राष्ट्रवादी नेते जयंत पाटील यांनी केलं आहे. त्यामुळे राजकीय वर्तुळात एकच खळबळ उडाली. अनेक तर्क वितर्क लावण्यात येत आहेत. त्यावरून राजकीय वर्तुळात उलटसुलट चर्चा सुरू झाली. जयंत पवार यांच्या या प्रतिक्रियेवर अनेकांनी टीका केली. त्यानंतर जयंत पवार यांनी आपल्या व्यक्तव्याची सारवसारव केली.

पहाटेच्या शपथ विधीच्या या वादामध्ये आता भाजप नेते निलेश राणे यांनी उडी घेतली आहे. त्यांनी आपल्या ट्विटर अकाऊंट वरुन ट्विट करत अजित पवारांवर निशाणा साधला आहे. आपल्या ट्विटमद्धे भाजप नेते निलेश राणे यांनी लिहले आहे की, "पहाटेचा शपथविधी जर पवार साहेबांची खेळी होती तर खासदार सुळे या कॅमेरासमोर 'माझं घर तुटतंय' सांगून का रडल्या?? फडणवीस साहेबांचा मनाचा मोठेपण आहे की त्यांनी अजित पवारांची इज्जत रस्त्यावर काढली नाही, ज्या दिवशी जगाला खरं कळेल पवार साहेब एक दिवस अजित पवारांना पक्षात ठेवणार नाहीत."

या ट्विटमध्ये निलेश राणे यांनी अजित पवार यांच्यावर निशाणा साधला आहे. तर देवेंद्र फडणवीस यांचं कौतुक करत 'फडणवीस साहेबांचा मनाचा मोठेपण आहे की, त्यांनी अजित पवारांची इज्जत रस्त्यावर काढली नाही, ज्या दिवशी जगाला खरं कळेल पवार साहेब एक दिवस अजित पवारांना पक्षात ठेवणार नाहीत असं त्यांनी आपल्या ट्विटमध्ये लिहालं आहे.