मुख्यमंत्री एकनाथ शिंदे यांच्या रॅलीदरम्यान शीतल म्हात्रे आणि शिवसेना आमदार प्रकाश सुर्वे यांचा एक व्हिडीओ सध्या व्हायरल होत आहे. या व्हि़डीओवरुन सध्या राज्याचं वातावरण चांगलंच तापलं आहे. या व्हिडीओच्या विरोधात आता प्रकाश सुर्वे यांच्या मुलाने पोलिसांत धाव घेतली आहे.

या प्रकरणात शीतल म्हात्रे यांनी पोलिसांत तक्रार नोंदवल्यानंतर अशोक मिश्रा, मानस कुवर, विनायक डायरे यांच्यावर गुन्हा दाखल करुन अटक कऱण्यात आली आहे. यातल्या काही जणांचं उद्धव ठाकरे गटाशी संबंध असल्याचंही आढळून आलं आहे. पण या तिघांविरोधात आता आमदार प्रकाश सुर्वे यांच्या मुलाने अब्रुनुकसानीचा दावा केला आहे.

या प्रकरणी सुर्वे यांचा मुलगा राज सुर्वे यांना दहिसर पोलीस ठाण्यात गुन्हाही दाखल केला आहे. मोर्फ केलेला व्हिडिओ सोशल मिडियावर व्हायरल करुन बदनामी केल्याचा आरोप त्यांनी तक्रारीत केला आहे. या प्रकरणी दहिसर पोलिस ठाण्यात तीनही आरोपींविरोधात कलम स्वतंत्र गुन्हा दाखल केला आहे.