मुंबई : शरद पवार यांच्याशी बोलण्यात गैर काय आहे. होय, मी त्यांच्या संपर्कात आहे. शरद पवार यांना राज्यात कशाला बोलविता. ते खूप मोठे नेते आहेत, असे शिवसेनेचे खासदार संजय राऊत यांनी म्हटले आहे.
संजय राऊत यांच्याकडून महाराष्ट्रातील राजकीय घडामोडींवरून सतत भाजपवर टीका करण्यात येत आहे. तसेच मुख्यमंत्रीपदावर सतत दावा करण्यात येत असल्याने अद्याप भाजप-शिवसेनेत चर्चा झालेली नाही. संजय राऊत यांनी आज (मंगळवार) पुन्हा एकदा पत्रकार परिषद घेत भूमिका स्पष्ट केली.
संजय राऊत म्हणाले, की शरद पवार यांच्याशी कोण-कोण बोलतय हे मला माहिती आहे. कोणकोणाला पोटशूळ उठला आहे, हे आम्हाला माहिती आहे. शरद पवार केंद्रातील मोठे नेते आहेत. महाराष्ट्रात लवकरच सरकार स्थापन होईल. आमची भूमिकाही वेट अँड वॉचची आहे. दिल्लीचे प्रदूषण महाराष्ट्रात येणार नाही. राज्यातला निर्णय राज्यातच होईल. महाराष्ट्राचा निर्णय महाराष्ट्रातच व्हावा. राज्यात लवकरात लवकर सरकार स्थापन व्हावे अशी भूमिका शरद पवार, उद्धव ठाकरे आणि काँग्रेसच्या नेत्यांचीही आहे. उद्धव ठाकरे यांनी स्वतः आम्हाला राज्यपालांकडे पाठविले. शिवसेनेची भूमिका स्पष्ट करावी असे त्यांनी सांगितले होते. राज्यात प्रत्येक आमदाराची भूमिका महत्त्वाची आहे, त्यामध्ये अपक्ष आमदारांचाही समावेश आहे. राज्यात धुकं नाही, सर्वकाही पारदर्शक आहे. शरद पवार मोठे नेते असून, त्यांना राज्यात कशाला बोलविता. शिवसेनेचाच मुख्यमंत्री होणार हे निश्चित आहे. टीका करण्याचा अधिकार प्रत्येकाला आहे. जनतेच्या मनाप्रमाणे निर्णय होणार हे निश्चित आहे. शपथ घेण्याची कोणाची मोनोपॉली नाही. आमच्याकडे सर्वकाही आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.