दरवर्षीप्रमाणे शिवसेनेच्या दसरा मेळाव्याचे आयोजन करण्यात आली आहे. दसऱ्याच्या मुहूर्तावर शिवतीर्थावर शिवसेना (ठाकरे गटाचे) पक्षप्रमुख उद्धव ठाकरे सभा घेणार आहेत. शिवाजी पार्कमध्ये ठाकरे गटाकडून दसरा मेळाव्याच्या तयारीला वेग आला असून आता तयारी अंतिम टप्प्यात आल्याचे चित्र आहे.
त्याचबरोबर दसरा मेळाव्यासाठी येणाऱ्या शिवसैनिकांची चांगली सोय देखील ठाकरे गटाने केली आहे. जेवणाचे डबे आणि बॅगा आणू नका, असं आवाहन ठाकरे गटाकडून करण्यात आलं आहे. त्याशिवाय शिवसैनिकांसाठी पिकअप-ड्रॉपची सोय देखील करण्यात आली आहे.
शिवसेना ठाकरे गटाकडून शिवतीर्थावर येणाऱ्या हजारो शिवसैनिकांसाठी विशेष नियोजन देखील करण्यात आलं आहे. अधिकाधिक शिवसैनिकांनी रस्त्यावरील वाहतूक कोंडी टाळण्यासाठी रेल्वेने दसरा मेळाव्याला येण्याचं आवाहन ठाकरे गटाकडून करण्यात आलेलं आहे.
राज्यभरातून तळागाळातील शिवसैनिकांनी दसरा मेळाव्याला शिवतीर्थावर येण्याची इच्छा व्यक्त केल्याने त्यांना शिवतीर्थापर्यंत आणण्यासाठी सहकार्य करण्याची जबाबदारी त्या-त्या जिल्ह्यात्या संपर्कप्रमुख आणि जिल्हाप्रमुखांना देण्यात आली आहे.
शिवतीर्थावर येणाऱ्या शिवसैनिक आणि इतर मान्यवरांना शिवाजी पार्क येथे जाण्यास सोयीचे व्हावे, याकरिता स्थानिक पोलीस आणि वाहतूक यंत्रणा नियंत्रित करणाऱ्या पोलिसांना वाहतुकीचे आणि गर्दीचे योग्य नियंत्रण करण्यासाठी सहकार्य करण्याच्या सूचना देण्यात आल्या आहेत.
जेवणाचे डबे आणि बॅगा घेऊन येऊ नका, असं आवाहन देखील शिवसैनिकांना करण्यात आलं आहे. मेळाव्यासाठी सुरक्षेच्या कारणास्तव मुंबई पोलिसांकडून महत्त्वाचे निर्देश दिले आहेत, त्यानुसार मेळाव्याला येताना जेवणाचे डबे, बॅगा अथवा कोणतीही वस्तू घेऊन मैदानात येऊ नये, असे सांगण्यात आले आहे.
ठाकरे गटाकडून पार्किंग पासून ते शिवतीर्थ यासाठी विशेष पिकअप आणि ड्रॉपची सोय करण्यात आली आहे. वाहतूक कोंडी होऊ नये यासाठी वाहन उभी करण्यासाठी पार्किंगची व्यवस्था करण्यात आली आहे
बसेस, टेम्पो, ट्रॅव्हलर्स, मोठे टेम्पो
संपूर्ण सेनापती बापट मार्ग, दादर
कामगार मैदान, सेनापती बापट मार्ग, माहीम कॉजवे ते माहीम जंक्शन
पाच गार्डन, माटुंगा
एडनवाला रोड, , माटुंगा
नाथालाल पारेख, माटुंगा
आर. ए. के. रोड, वडाळा
इंडिया बुल इंटरनॅशनल सेंटर, सेनापती बापट मार्ग, दादर
इंडिया बुल्स 1 सेंटर, ज्युपिटर मिल कंपाऊंड, एलफिन्स्टन, सेनापती बापट मार्ग, दादर
कोहिनूर वाहनतळ, जे. के. सावंत मार्ग, शिवाजी पार्क
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.