राज्याच्या अर्थसंकल्पीय अधिवेशनात सत्ताधारी आणि विरोधकांच्यात कोणत्या ना कोणत्या मुद्यावरून आरोप-प्रत्यारोप सुरुच आहेत. दरम्यान आज पुन्हा सोलापूर पोलिसांच्या स्ट्रिंग आॅपरेशनचे मु्द्दा उपस्थित झाला असून याचे पडसाद विधीमंडळात उमटले. विरोधी पक्षनेते देवेंद्र फडणवीस (Devendra Fadnavis) यांनी सोलापूरचा (Solapur) हा वाझे महिन्याला ६० लाखाची वसुली करतो असा आरोप केला आहे.

सोलापूरचा हा वाझे नेमका आहे तरी कोण असा प्रश्नही फडणवीसांनी उपस्थित केला. या प्रकरणाचे तपास कुठं पर्यंत आले आहेत असा जाब त्यांनी सत्ताधाऱ्यांना विचारला आहे.

आज विधानसभेत देवेंद्र फडणवीस यांनी सत्ताधाऱ्यांना धारेवर धरले. ते म्हणाले, सोलापूरमध्येही एक सचिन वाझे आहे. हा वाझे क्राईम ब्रॅंचसाठी महिन्याला ६० लाखाची वसुली करतो. याचे स्टिंग ऑपरेशन झाले. त्याचा पेन ड्राईव्ह तेथील एका पत्रकाराने सरकारकडे दिल्यानंतर माहिती अधिकार कार्यकर्ते वाय. पी. पवार यांनी ही क्लिप मुख्यमंत्री आणि गृहमंत्री यांच्याकडे दिली आहे. आता याचा तपास नेमका कोठे पर्यंत आला आहे असा प्रश्न फडणवीसांनी उपस्थित केला. यामुळे सोलापूरचा वाझे आता चर्चेत आला आहे.

उप निरीक्षक संदीप उर्फ सनी शिंदे हे सोलापूरचे 'सचिन वाझे' असून पोलिस हेडकॉन्स्टेबल अजय पाडावी हे त्यांचे मोहरे आहेत. या दोघांविषयी कोणी अँटी करप्शनला तक्रार केली तर एसीबीचे संजीव पाटील मदत करत असल्याचे आरोप होत आहेत.