मुंबई : शंभर कोटी रुपयांच्या खंडणी प्रकरणी विशेष सीबीआय कोर्टानं संजीव पलांडे, कुंदन शिंदे आणि सचिन वाझे यांना सात दिवसांची अर्थात ११ एप्रिलपर्यंत सीबीआय कोठडी सुनावली आहे. सीबीआयनं कोर्टानं सुनावणीदरम्यान या तिघांसाठी १० दिवसांची कोठडी मागितली होती. (Special CBI Court sent Sanjeev Palande Kundan Shinde Sachin Waze to CBI custody till April 11)

दुपारपासून सुरु असलेल्या या सुनावणीत विशेष सीबीआय कोर्टानं संजीव पलांडे, कुंदन शिंदे आणि सचिन वाझे याचा ताबा सीबीआयकडे देण्याचे आदेश दिले होते. दरम्यान, या खंडणी प्रकरणात ४०० कोटी रुपयांचा गैरव्यवहार झाल्याची नवी बाब उघड झाली आहे. त्यामुळं याच्या सर्वंकश चौकशीसाठी सीबीआयनं या आरोपींची दहा दिवसांच्या कोठडीची मागणी केली होती. पण कोर्टानं दहा ऐवजी सात दिवसांची कोठडी मान्य केली. त्यामुळं या तिघांची आता ११ एप्रिलपर्यंत सीबीआयची कोठडीत रवानगी होणार आहे.

दरम्यान, या प्रकरणातील आणखी एक आरोपी असलेले माजी गृहमंत्री अनिल देशमुख यांची प्रकृती बिघडल्यानं त्यांना जेजे रुग्णालयात दाखल करण्यात आलं. त्यामुळं सीबीआयनं रुग्णालय प्रशासनाकडून आणि तुरुंग प्रशासनाकडून देशमुख यांच्या प्रकृतीबाबत अहवालाची मागणी केली.

या खंडणी प्रकरणात ईडीनं अनिल देशमुख यांच्यासह संजीव पलांडे आणि कुंदन शिंदे यांना अटक केली होती. तर एनआयएनं सचिन वाझे यांनी अटक केली. पलांडे आणि शिंदे हे अनिल देशमुख यांचे जवळचे सहकारी आहेत.