एसटी कर्मचाऱ्यांचा संप सुरु असल्याने लालपरीची चाके थांबली आहेत. सत्ताधारी पक्षातील नेत्यांवर विरोधकांकडून टीकास्त्र सुरु आहे. आजही राज्यात ठिकठिकाणी संप सुरुच आहे. दरम्यान, आज राज्याचे परिवहन मंत्री अनिल परब यांनी महत्वाची माहिती दिली आहे. एसटी महामंडळाचे शासनात विलगीकरण करण्याबाबतचा अभ्यास करण्यासाठी आज राज्य सरकार समिती स्थापन करणार आहे. आज दुपारी ३ च्या आधी न्यायालयाच्या आदेशानुसार या समितीचा जीआर जारी करणार आहे. तसेच ही समिती विलिनीकरणाबाबत अभ्यास करून सरकारला अहवाल देणार असल्याची माहितीही अनिल परब यांनी दिली आहे.

दरम्यान राज्यात अनेक ठिकाणी मध्यरात्री १२ पासून एसटी कामगारांचा संप सुरु झाला आहे. पुणे विभागातील १३ डेपो अद्यापही बंदच आहेत. लालपरीची चाके थांबल्याने प्रवाशांची गैरसोय होत आहे. राज्य सरकारी कर्मचाऱ्यांप्रमाणे 28 टक्के महागाई भत्ता मिळावा अशी मागणी एसटी कर्मचाऱ्यांकडून करण्यात आली आहे. आता याला राज्यसरकारकडून यावर कोणता निर्णय होणार याकडे सर्वांच लक्ष लागून राहिले आहे.

हा शासन निर्णय आजच तीन वाजेपर्यंत काढा. याबाबत आज सायंकाळी 5 वाजता बैठक घेऊन तो सादर करून, 12 आठवड्याच्या आत विलगीकरण करण्यासाठी कालावधी दिला असून मुख्यमंत्री उद्धव ठाकरे यांनी महत्वाची भूमिका बजवावी असेही न्यायालयाने या आदेशात सांगितले आहे.