एसटी कर्मचाऱ्यांनी शरद पवार यांच्या घरावर हल्ला केल्यानंतर काल गुणरत्न सदावर्ते (gunratna sadavarte) तसेच अन्य कार्यकर्त्यांना अटक करण्यात आली होती. त्यांना जेल होणार की बेल याविषयी चर्चा होत असतानाच सदावर्ते यांना दोन दिवसांची पोलिस कोठडी न्यायालयाने सुनावली. याबरोबरच इतर १०९ आरोपींना न्यायालयीन कोठडी देण्याचा आदेश देण्यात आला. या आदेशानंतर गृहमंत्री दिलीप वळसे-पाटील (Dilip Walse Patil) यांनी एसटी कर्मचाऱ्यांना शांततेचे आवाहन केले आहे.न्यायालयाचा निकालनंतर त्यांनी पहिली प्रतिक्रिया दिली आहे.

ते म्हणाले, जयश्री पाटील यांनी केलेल्या आरोपांमध्ये तथ्य नाही. त्याना प्रवाहात राहण्यासाठी असे आरोप करायची सवय आहे. हे सर्व आरोप आम्ही फेटाळतो असे स्पष्टीकरण त्यांनी दिले. तसेच एसटी कर्मचाऱ्यांनी शांततेने सहकार्य करावे असे आवाहन केले. त्यांच्या जवळपास सर्वच मागण्या मान्य करण्यात आल्या आहेत त्यामुळे हायकोर्टाच्या निकालाप्रमाणे तरी अंमलबजावणी करावी असे गृहमंत्री वळसे-पाटील यांनी म्हटलं आहे.

कोणाच्यातरी भडकाव्याने कामगारांनी टोकाची भूमिका घेऊ नये. या सर्व प्रकरणात प्राथमिक स्वरूपाची माहिती समोर आलेली आहे. याचा तपास करून त्यानंतर पुढची कारवाई करण्यात येणार असल्याचेही ते म्हणाले.