ईडी(ED) कारवाई नंतर शिवसेना नेते संजय राऊत हे आज मुंबईत दाखल झाले. त्यांच्या स्वागतासाठी सकाळपासूनच शिवसेनेचे आमदार आणि कार्यकर्त्यांनी विमानतळावर मोठी गर्दी केली होती. राऊत मुंबईत दाखल होताच भाजप नेत्यांनी टीका करण्यास सुरुवात केली आहे. भाजप आमदार अतुल भातखळकर (Atul Bhatkhalkar) आणि सुधीर मुनगंटीवार (Sudhir Mungantiwar) यांनी शिवसेना नेते संजय राऊत (Sanjay Raut) यांच्यावर खोचक शब्दात टीका केली आहे.

यावेळी मुनगंटीवार म्हणाले, शिवसैनिक हे राऊतांच्या चुकाचं समर्थन करणारचं. यावेळी त्यांनी राऊतांची बरोबरी पुण्यातील गुंडाशी केली. ते म्हणाले पुण्यातील गुंड गजानन मारणे सुटल्यावर त्याचेही असेच स्वागत केले गेले. जंगी स्वागत केलं म्हणजे तो व्यक्ती आदर्श आहे असे नाही असा घणाघात केला. पुढे ते म्हणाले, मानसशास्त्राचा एक सिध्दांन्त आहे. जेव्हा समाजाच वाईट करणाऱ्याच्या मागे पाठीशी उभ राहण्याचं ठरवतो. तेव्हा सज्जन माणसाला देखील वाईट कृत्य करावं अस वाटतं अशी खंत त्यांनी व्यक्त केली.

अतुल भातखळकर म्हणाले, राऊतांच स्वागत नसून, हा तर नंगा नाच चालु आहे. संजय राऊत हे स्वातंत्र्य सैनिक आहेत का असा सवाल त्यांनी केला. भगवा झेंडा छत्रपती शिवाजी महाराज यांचे प्रतीक आहे, भारतीय संस्कृतीच प्रतीक आहे यांच्या स्वागतासाठी भगवा झेंडा वापरला जात आहे हे योग्य नसल्याचेही ते म्हणाले.

पुढे ते म्हणाले, राऊत अर्वाच्य भाषेत ते शिवी देतात नेमके कोण आहेत संजय राऊत.दिवा विझण्यापूर्वी मोठा होतो अशी मराठीत म्हण आहे.असा हा प्रकार आहे. राऊतांनी हे धंदे बंद करून एवढी संपत्ती कशी गोळा केली याचे उत्तर महाराष्ट्राला द्यावे असे खडेबोल सुनावले. संजय राऊतांनी अजून नाटकं केली तर भ्रष्टाचाराची प्रकरणे बाहेर येतील असा इशारा भातखळकर यांनी दिला.