मुंबई : राष्ट्रवादीचे गटनेते जयंत पाटील यांनी काल (सोमवार) विधानसभेत फडणवीस सरकारवर हल्लाबोल करताना गाजलेल्या 'झिंग झिंग झिंगाट' गाण्याचे विडंबन केले होते. आज त्या झिंगाटला अर्थमंत्री सुधीर मुनगंटीवार यांनी त्याच शैलीत उत्तर दिले.

मुंनगंटीवारांनी केलेले विडंबन पुढीलप्रमाणे :

त्यांच्या उरात होतीय धडधड
ज्यांची क्षणात सत्ता गेली
झाली जनतेच्या रागाची बाधा
घड्याळ हातात फुटून गेली
समदं झ्याक झालंया
कमळ धनुष्यबाण फुलून आलंया
आरं राहुलच्या खेम्यात, राष्ट्रवादीच्या कोमात
राजही रडतोया

झाल झिंग झिंग झिंगाट, झिंग झिंग झिंगाट
चल विकास करुया, साथ मोदींजींची आहे
थकलेले विरोधक कसं टुकूर टुकूर पाहे
त्याला थकत राहू दे , की बघत राहू दे
प्रगतीची ही ट्रेन आहे बुलेट ट्रेन
आता बुगाट जाऊ दे, जाऊ दे

आरं झिंग झिंग झिंगाट, झिंग झिंग झिंगाट
समद्या राज्याला झालीया आमच्या विजयाची घाई
शिवधनुष्य सोबत येणार ही शिवशाही
छत्रपतींच्या नावानं आणि आदर भावानं
चालवू हे शासन, उत्तम प्रशासन जनतेला देऊनी गाऊया झिंग झिंग झिंगाट झिंग झिंग झिंगाट