जगभरात रजनीकांत (Rajinikanth) यांचे खूप मोठा चाहता वर्ग आहे. रजनीकांत यांची स्टाईल स्टेटमेंट हा नेहमीच चर्चेचा विषय ठरतो. त्यांचे अनेक चाहते त्यांची नक्कल करुन आपल्या कामात रजनी झलक दाखवून देण्याचे अनेक किस्से तुम्ही ऐकले असतील किंवा पाहिले ही असेल. पण कधी तुम्ही एखाद्या चहावाल्याला रजनीकांत स्टाईलमध्ये (Rajinikanth Style) पाहिले आहे का?  

ब्लॅक आऊटफिट ट्राय करताय? लुक हटके दिसण्यासाठी 5 टिप्स

सोशल मीडियाच्या जमान्यात हल्ली अनेक गोष्टी झपाट्याने आपल्या समोर येत असतात. याच प्लॅटफॉर्मवर सध्याच्या घडीला एक व्हिडिओ तुफान व्हायरल होताना दिसते. या व्हिडिओमध्ये चहाची टपरी चालवणारा रजनीकांत यांच्या हटके स्टाईलमध्ये वावरताना आणि आपले काम आवरताना पाहायला मिळते. 

एका वेसाईटने दिलेल्या वृत्तानुसार, नागपूरमध्ये (Dolly Ki Tapri) नावाने एक चहाची टपरी आहे. या ठिकाणचा हा तरुण रजनी स्टाईलमध्ये चहा विक्री करतो. फेसबुकच्या माध्यातून शेअर करण्यात आलेल्या त्याच्या व्हिडिओला लाखाहून अधिक शेअर्स मिळाल्या आहेत.  46 हजारहून अधिक कमेंट्सही केल्याचेही दिसून येते. तो ज्या पद्धतीने आपल्या ग्राहकांचे स्वागत करतो ते भन्नाट असेच आहे.