शिवसेनेतील फूटीनंतर मुख्यमंत्री एकनाथ शिंदे यांच्यासह 16 आमदारांवर अपात्रतेची कारवाई करण्यासाठी ठाकरे गटाने सर्वोच्च न्यायालयाचा दरवाजा ठोठावला होता. त्यानंतर हे प्रकरण सुप्रीम कोर्टाने विधानसभा अध्यक्षांकडे सोपवले आहे. त्यानंतर विधानसभा अध्यक्ष राहुल नार्वेकर यांनी शिवसेनेच्या दोन्ही गटांच्या आमदारांना नोटीस पाठवली होती. या नोटीसीला उत्तर न देण्याची भूमिका ठाकरे गटाच्या आमदारांनी घेतली आहे.(Latest Marathi News)

शिवसेनेच्या 16 आमदारांच्या अपात्रतेसंदर्भात सर्वोच्च न्यायालयाने निर्णय दिल्यानंतर विधानसभा अध्यक्षांनी काही दिवसांपुर्वी शिवसेनेच्या दोन्ही गटाच्या आमदारांना नोटीस पाठवून 14 दिवसात उत्तर मागितले होते. मात्र मुदत संपूनही ठाकरे गटाकडून या नोटिशीला उत्तर देण्यात आलेलं नाही.(Latest Marathi News)

शिवसेना शिंदे गटाच्या 16 आमदारांच्या अपात्रच्या संदर्भात आम्ही कारवाईची मागणी केली असताना यामध्ये 16 आमदारांनीच नोटिशीला उत्तर देणे गरजेचं असल्याचं मत ठाकरे गटाकडून मांडण्यात आलं आहे. त्यामुळे शिवसेनेच्या दोन्ही गटाच्या इतर आमदारांनी नोटिशीला उत्तर देण्याची गरज नसल्याची भूमिका ठाकरे गटाने घेतली आहे.(Latest Marathi News)

त्याचबरोबर, एकनाथ शिंदे यांच्यासह 16 आमदारांना अपात्र ठरवण्यासाठी ठाकरे गटाने विधानसभा अध्यक्षांकडे याचिका दाखल आहे. त्यासाठी ठाकरे गटाकडून अनेकदा स्मरण पत्र देखील दिली आहेत. सर्वोच्च न्यायालयाने आमदारांच्या अपात्रतेबाबत विधानसभा अध्यक्षांनी निर्णय घ्यावा, असे निर्देश दिलेत. त्यानंतर विधानसभा अध्यक्ष राहुल नार्वेकर यांनी एकनाथ शिंदेंसह इतर आमदरांना नोटीस दिली होती.(Latest Marathi News)