मुंबई: महाराष्ट्र विधानपरिषदेच्या एकूण सहा जागांसाठी झालेल्या निवडणुकीचा निकाल (Maharashtra Vidhan Parishad Election Result) 14 डिसेंबर जाहीर झाला. सहापैकी चार जागा अगोदरच बिनविरोध निवडून गेल्या आहेत. निवडणूक बिनविरोध पार न पडलेल्या नागपूर (Nagpur) आणि अकोला-वाशिम-बुलडाणा (Akola Washim Buldana ) स्थानिक स्वराज संस्था मतदारसंघातील उमेदवारांसाठी झालेल्या मतदानाची मतमोजणी 14 डिसेंबर रोजी पार पडली होती.

यात अपेक्षेप्रमाणे नागपुरात चंद्रशेखर बावनकुळे (chandrashekhar Bawankule), तर अकोला वाशिम बुलडाणा मतदारसंघात वसंत खंडेलवाल (Vasant Khandelwal) विजयी ठरले. यामुळं या विधान परिषद निवडणुकीत सहापैकी चार जागांवर भाजपनं विजय मिळवत महाविकास आघाडीला मोठा धक्का दिलाय. नुकत्याच झालेल्या या विधान परिषद निवडणुकीत निवडून आलेल्या आमदारांचा उद्या दुपारी एक वाजता विधिमंडळात शपथ विधी होणार आहे.

निवडून आलेले सहा आमदार कोण?

1. चंद्रशेखर बावनकुळे, भाजप

2. वसंत खंडेलवाल, भाजप

3. राजहंस सिंग, भाजप

4. अमरिश पटेल, भाजप

5. सतेज पाटील, काँग्रेस

6. सुनील शिंदे, शिवसेना