मुंबई : माजी मुख्यमंत्री देवेंद्र फडणवीस यांच्या पत्नी अमृता फडणवीस यांनी मुख्यमंत्री उद्धव ठाकरे यांच्यावर आडनावावरून टीका केली होती. त्यांच्या या ट्विटरवरून सोशल मीडियावर त्या पुन्हा एकदा ट्रोल होत आहेत. त्यांच्या ट्विटला एका शिवसेना नगरसेवकाने झणझणीत उत्तर दिले आहे.

ताज्या बातम्यांसाठी डाऊनलोड करा ई-सकाळचे ऍप

'केवळ आडनाव ठाकरे असून चालत नाही.' असे अमृता म्हणाल्या होत्या. यावर ट्विटरवर शिवसेना नगरसेवक अमेय घोलेंनी रिप्लाय देत म्हणले आहे की, 'इतिहासात रघुनाथदादा पेशवे हे बुद्धिमान, पराक्रमी असल्याचे सुरुवातीचे उल्लेख आहेत. सत्तालोभी आनंदीबाईंनी त्यांची बुद्धी भ्रष्ट केली. त्यांनी नैतिकतेचाच मुडदा पाडला आणि राघोबा खलनायक ठरले. वर्तमानात इतिहास विसरायचा नसतो! #ठाकरेठाकरेच! #आजच्याआनंदीबाई' या ट्विटमुळे सोशल मीडियावर चर्चा होत आहे, तर अमृता फडणवीस पुन्हा एकदा ट्रोल होत आहेत.

अमृता फडणवीसांकडून उद्धव ठाकरेंना अडनावावरून लक्ष्य, पाहा काय?

काय घडले?
काँग्रेस नेते राहुल गांधी आणि भाजप यांच्यात सावरकर याविषयावरून ठिणगी पडली आहे. काँग्रेस नेते राहुल गांधी यांनी 'माफी मागायला माझं नाव राहुल सावरकर नाही, राहुल गांधी आहे.' अशी टीका केल्यानंतर देशभरातील भाजप नेत्यांनी राहुल यांना लक्ष्य केले आहे. त्यात महाराष्ट्राचे माजी मुख्यमंत्री देवेंद्र फडणवीस यांचाही समावेश आहे. फडणवीस यांनी राहुल गांधी यांना प्रत्युत्तर देताना, 'केवळ गांधी आडनाव लावल्याने कोणी गांधी होत नाही', अशी टीका ट्विटरवरून केली. त्यांचे ट्विट रिट्विट करताना अमृता फडवणीस यांनी हाच आडनावाचा धागा पकडून, उद्धव ठाकरे यांना लक्ष्य केलंय.  

'सावरकर ब्राह्मण होते म्हणूनच....' : शरद पोंक्षे

काय म्हणाल्या अमृता फडणवीस?
देवेंद्र फडणवीस यांच्या ट्विटला रिट्विट करताना अमृता फडणवीस यांनी म्हटलंय की, देवेंद्रजी तुमचं म्हणणं अगदी बरोबर आहे. कोणीही केवळ आपल्या नावापुढं ठाकरे आडनाव लावून ठाकरे होत नाही. त्यासाठी सत्य, तत्वांचा अंगीकार करावा लागतो. स्वतः कुटुंबाच्या आणि वर्चस्ववादाच्या पुढं जाऊन पक्षाच्या कार्यकर्त्यांचा आणि लोकांच्या हिताचा विचार करावा लागतो. 

वादग्रस्त ट्विट
आरेच्या जंगलातील वृक्षतोडीचा मुद्दा उपस्थित करत शिवसेनेनं मेट्रो कारशेडचं काम थांबवलं होतं. तात्कालीन मुख्यमंत्री देवेंद्र फडणवीस यांच्या निर्णयाला स्थगिती देण्यात आली. त्यावरून अमृता फडणवीस यांनी शिवसेनेला लक्ष्य केलं होतं. स्वर्गीय शिवसेना पक्षप्रमुख बाळासाहेब ठाकरे यांच्या औरंगाबादमधील नियोजित स्मारकाच्या कामासाठी वृक्षतोड होणार असल्याच्या एका इंग्रजी वृत्तपत्रातील बातमीचा आधार घेत, अमृता फडणवीस यांनी शिवसेनेला लक्ष्य केलं होतं. त्यानंतर शिवसेनेनं ट्विटवरूनच प्रत्युत्तर देऊन अमृता फडवणीस यांच्या टीकेतील हवा काढून घेतली होती.