MLA Disqualification Case: आमदार अपात्रतेप्रकरणी आज विधानसभा अध्यक्ष राहुल नार्वेकर यांच्यासमोर सुनावणी होणार आहे. आज (गुरुवार) दुपारी चार वाजता विधनभवनात सुनावणी होणार आहे. ३४ याचिकांचे ६ गट तयार करण्यात आले. त्यानुसार गटानुसार आता सुनावणी होणार आहे.
आज महत्वाची सुनावणी होणार आहे. शिंदे गट आणि ठाकरे गट यांना जी कागदपत्रे सुप्रीम कोर्टात सादर केले होते. ती कागदपत्रे लवकर सादर करा, असे आदेश राहुल नार्वेकर यांनी दिले होते. ही कागदपत्रे दोन्ही गटाकडून जमा करण्यात आली.
नार्वेकर यांनी मुख्यमंत्री एकनाथ शिंदे यांच्या नेतृत्वाखालील सत्ताधारी शिवसेनेला आणि माजी मुख्यमंत्री उद्धव ठाकरे यांच्या नेतृत्वाखालील प्रतिस्पर्धी गटाला विधानसभा अध्यक्षांच्या कार्यालयात सर्वोच्च न्यायालयात दिलेले कागदपत्र जमा करण्यासाठी २५ ऑक्टोबरपर्यंत मुदत दिली होती. ही मुदत काल संपली.
उद्धव ठाकरे यांच्या नेतृत्वाखालील गटाने यापूर्वी सर्व याचिकांवर एकत्रित सुनावणी घेण्याची मागणी केली होती जेणेकरून कार्यवाही लवकर पूर्ण करता येईल. मात्र, शिंदे यांच्या नेतृत्वाखालील शिवसेनेने या मागणीला विरोध करत याचिकांवर स्वतंत्र सुनावणी करण्याचा आग्रह धरला. मात्र राहुल नार्वेकर यांनी ठाकरे गटाची मागणी मान्य केली. तसेच गेल्या मंगळवारी सर्वोच्च न्यायालयाने राहुल नार्वेकर यांना अपात्रतेच्या याचिकांवर त्वरीत निर्णय घ्यावा, असे म्हटले होते.
शिंदे आणि त्यांच्याशी निष्ठावान असलेल्या अनेक आमदारांना अपात्र ठरवण्यासाठी ठाकरे गटाने दाखल केलेल्या याचिकांवर निर्णय घेण्यास झालेल्या विलंबाबद्दल सर्वोच्च न्यायालयाने यापूर्वी नार्वेकरांवर जोरदार टीका केली होती. विधानसभा अध्यक्ष सर्वोच्च न्यायालयाचे आदेश झुगारू शकत नाहीत, असे न्यायालयाने म्हटले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.