एकनाथ शिंदे यांनी केलेल्या बंडाला आज 20 जून एक वर्ष पूर्ण झाल आहे. या वर्षपूर्तीनिमित्त राष्ट्रवादी काँग्रेस आणि उद्धव ठाकरे यांची शिवसेना गद्दार दिवस साजरा करत आहे. खासदार सुप्रिया सुळे देखील आंदोलनात सहभागी झाल्या होत्या.

दरम्यान भाजपने देखील उद्धव ठाकरे यांच्यावर खोचक पलटवार केला आहे. 27 जुलै रोजी उद्धव ठाकरे यांचा वाढदिवस आहे. हा दिवस "आंतरराष्ट्रीय देशद्रोही दिन" म्हणून घोषित करावा, अशी मागणी भाजप आमदार नितेश राणे यांनी संयुक्त राष्ट्राकडे केली आहे.

नितेश राणे म्हणाले, उद्धव ठाकरे यांनी त्यांच्या वडिलांच्या विचारसरणीशी गद्दारी केली, हिंदुत्वाशी गद्दारी केली, मराठीचा विश्वासघात केला. तसेच त्यांनी देवेंद्र फडणवीस आणि भाजपला देखील फसवले आहे.

त्यामुळे  27 जुलै हा दिवस "आंतरराष्ट्रीय देशद्रोही दिन" म्हणून घोषित करावा. मला आशा आहे की संयुक्त राष्ट्र माझी विनंती विचारात घेईल, असे भाजप आमदार नितेश राणे म्हणाले.