आज जाहीर झालेल्या गुजरात विधानसभा निवडणूकीत भाजपाचा विजय निश्चित झाला आहे. या निवडणुकीत भाजपाने १५० पेक्षा जास्त जागा जिंकत विक्रमी विजय मिळवला आहे. गुजरात विजयाबद्दल मी भारतीय जनता पक्ष आणि पंतप्रधान मोदी यांचे खास अभिनंदन करतो. गुजरातचा विजय विक्रमी आणि ऐतिहासिक आहे… हे अभिनंदनपर शब्द आहेत खुद्द शिवसेना उद्धव बाळासाहेब ठाकरे गटाचे प्रमुख उद्धव ठाकरे यांचे… होय… उद्धव ठाकरेंनी गुजरातच्या निकालानंतर भाजपा आणि पंतप्रधान मोदींचं कौतुक केलं आहे.

गुजरात विजयाबद्दल मी भारतीय जनता पक्ष आणि पंतप्रधान मोदी यांचे खास अभिनंदन करतो. गुजरातचा विजय विक्रमी आणि ऐतिहासिक आहे… हे अभिनंदनपर शब्द आहेत खुद्द शिवसेना उद्धव बाळासाहेब ठाकरे गटाचे प्रमुख उद्धव ठाकरे यांचे… होय… उद्धव ठाकरेंनी गुजरातच्या निकालानंतर भाजप आणि पंतप्रधान मोदींचं कौतुक केलं आहे.

गुजरातबरोबरच हिमाचल प्रदेश विधान सभेचे निकाल लागले आणि तेथे काँग्रेसचा दणदणीत विजय झाला. तर दिल्ली 'मनपा ' निवडणुकीत 'आप'ने भाजपवर मात केली. याबद्दलही ठाकरेंनी काँग्रेस आणि आपचे अभिनंदन करून शुभेच्छा दिल्या.

हेही वाचा - Moonlighting And Tax Benefits : ‘मूनलायटिंग’च्या वाटे, नको ‘टॅक्स’चे काटे!

उद्धव ठाकरेंनी भाजपचं कौतुक करताना काय म्हटलंय?

'‘गुजरातचा निकाल अपेक्षितच होता. गुजरात निवडणूक ही पुन्हा एकदा पंतप्रधान मोदींच्याच नेतृत्वाखाली लढवण्यात आली. त्यामुळेच जनतेने भाजपला भरघोस मतदान केले. त्या विजयात महाराष्ट्रातून पळवलेले मोठे उद्योगही फळले असावेत असे दिसते. पंतप्रधान मोदी हे ११ तारखेला महाराष्ट्रात येत आहेत. मुंबई महापालिकेच्या निवडणुका डोळ्यासमोर ठेवून ते येथेही भरघोस घोषणा करतील ही अपेक्षा. आपने गुजरातेत मोठ्या प्रमाणात मतविभागणी करून भाजपचा फायदा घडवून आणला हे स्पष्टही झाले. असो, ज्याचे त्याचे राजकारण सोयीनुसार चालत असते.'' अशा शब्दात उद्धव ठाकरेंनी भाजपा आणि मोदींचं खास आपल्या शैलीत कौतुक केलं.