मुंबई - संभाजी भिडे यांच्या वादग्रस्त विधानाने महाराष्ट्राचं राजकारण तापलं आहे. राज्यभरात भिडेंच्या विधानांचा निषेध व्यक्त करण्यात येत आहे. यावरून उद्धव ठाकरे यांनी आपली भूमिका स्पष्ट केलं आहे. तसेच गृहमंत्री देवेंद्र फडणवीसांना टोला लगावला.

उद्धव ठाकरे आज विधान भवनात उपस्थित होते. यावेळी त्यांनी माध्यमांशी संवाद साधला. उद्धव ठाकरे यांनी सुरुवातीलाच कलादिग्दर्शक नितीन देसाई यांच्या निधनावर शोक व्यक्त केला. तसेच नितीन असं काही करतील वाटलं नव्हतं. त्यांच्यासाठी काहीही अशक्य नव्हतं, असंही ते म्हणाले.

संभाजी भिडेंच्या वादग्रस्त विधानावर उद्धव ठाकरे म्हणाले की, संभाजी भिडेंवर सरकारने बोलायला पाहिजे. ते जर भिडेंना गुरुजी मानत असतील तर सगळ बरोबर आहे, असच समजाव लागेल, असा टोला फडणवीसांना लगावला. मात्र गुरुजींनी चांगले धडे द्यावेत. तसेच इतिहास उगळून काही फायदा नाही. केवळ भविष्यापासून लक्ष विचलीत करण्यासाठी हे सुरू असल्याचही उद्धव ठाकरे म्हणाले. फडणवीसांनी आज सभागृहात संभाजी भिडे यांचा गुरुजी म्हणून उल्लेख केला होता.

यावेळी उद्धव ठाकरे यांनी सभागृहात बोलू दिलं जात नसल्यावर भाष्य केलं. सभागृहात बोलू दिले जात नाही, एवढा विचारात बदल व्हावा, असं म्हणत, उद्धव ठाकरे यांनी विधान परिषद उपसभापती नीलम गोऱ्हे यांचं नाव न घेता टोला लगावला. तसेच अशी कृती करणाऱ्या गोऱ्हे पहिल्या महिला सभापती असतील, असही ते म्हणाले.

मणिपूर आणि नूंहमधील हिंसेवर उद्धव ठाकरे म्हणाले की, मणिपूरमध्ये सरकार आहे की नाही? राज्यपाल महिला आहेत. तरी महिलांसोबत अस होत, यावर माझ्याकडे शब्द नाहीत. डबल इंजिन सरकार आहे कुठे ? असा प्रश्नही त्यांनी उपस्थित केला.