अमरावती : देशात भाजपनं (BJP) दडपशाहीचं राजकारण सुरू केलंय. उठ सूट कोणालाही ईडीच्या नोटीस (ED Notice) दिल्या जातात. भाजपानं देशात मोकळं वातावरण ठेवलं नाहीय. मलाही ईडीची नोटीस दिली होती; पण ### दम असेल तर मला उचलून दाखवून कारवाई करावी. मग बघा काय होते ते, असे म्हणतं वंचित बहुजन आघाडीचे नेते प्रकाश आंबेडकरांनी (Prakash Ambedkar) भाजपला आणि तपास यंत्रणांना थेट आव्हान दिलं. मात्र, यावेळी आंबेडकरांची जीभ घसरली होती.

राज्यातल्या ईडीच्या कारवाईवरून (ED Notice) अनेकदा केंद्रीय तपास यंत्रणांवर सवाल उपस्थित केले जात आहेत. महाविकास आघाडी आणि भाजप यावरून रोज एकमेकांवर तुटून पडत आहेत. केंद्रीय तपाय यंत्रणा या भाजपच्या (BJP) सांगण्यावरून सुडभावनेनं कारवाई करत असल्याची टीका महाविकास आघाडीकडून (Vanchit Bahujan Aaghadi) होते, तर यात आमचा कोणताही सहभाग नसल्याचं भाजप सांगत आहे. मात्र, यावर बोलताना प्रकाश आंबेडकर यांची जीभ घसरलीय. भाजपानं देशात मोकळं वातावरण ठेवलं नाहीय, मलाही ईडीची नोटीस दिली होती, ###दम असेल मला उचलून दाखवून कारवाई करावी, असं थेट आवाहन आंबेडकरांनी भाजपला दिलंय.

तसेच इतर काही मुद्द्यांवरही प्रकाश आंबेडकरांनी यावेळी भाष्य केलं. निवडणुकीबाबत दिलेल्या निर्णयावर ताबडतोब निर्णय घ्या हे सांगण्या ऐवजी तुम्ही निर्णय घ्या हे सांगणे घटनेला धरून नाही, अशी टीका आंबेडकरांनी केलीय. तसेच सभा अस्तित्वात नसतांना टॅक्स गोळा करण्याचा अधिकार आहे? यावर सगळ्या पक्षांनी आपलं मत मांडले पाहिजे, असंही ते म्हणाले. तर देशातील सध्याच्या धार्मिक राजकारणावर बोलताना ते म्हणाले, काश्मीरमध्ये साडे तीन जिल्हे आहेत, ज्याठिकाणी 5 लाख आर्मी उभी करूनही हा भाग ताब्यात घेऊ शकले नाही. त्यामुळे मुस्लिमांमधील (Muslim) वर्ग आणि हिंदू मधला वर्ग या दोघांनी आता पूर्ण ताबा घेतला पाहिजे तरच अशा दंगली थांबतील, असं मत त्यांनी यावेळी मांडलं.