पुणे : केंद्रीय स्तरावरील अभियांत्रिकी प्रवेशासाठी आवश्‍यक असलेल्या 'जेईई मेन' परीक्षेचा निकाल शनिवारी (ता.18) जाहीर करण्यात आला. यामध्ये पुण्यातील वेदांग आसगांवकर याने 99.99 पर्सेंटाइल गुण मिळवत महाराष्ट्रातून प्रथम क्रमांक पटकावला आहे. पुण्यातून साधारणातः 1200 ते 1300 विद्यार्थी 'आयआयटी' प्रवेशासाठी 'जेईई ऍडव्हान्स'साठी पात्र ठरल्याचा अंदाज अभ्यासकांचा आहे.

- ताज्या बातम्यांसाठी डाऊनलोड करा ई-सकाळचे ऍप

देशातील भारतीय तंत्रज्ञान संस्था (आयआयटी), राष्ट्रीय तंत्रज्ञान संस्था (एनआयटी) आणि इंजिनियरींग महाविद्यालयांमध्ये प्रवेश घेण्यासाठी नॅशनल टेस्टिंग एजन्सीतर्फे (एनटीए) पहिली जेईई मेन्स (जॉइंट एंट्रन्स एक्‍झामिनेशन) परीक्षा 7 व 9 जानेवारी यादरम्यान घेण्यात आली होती.

या परीक्षेसाठी देशभरातून 9 लाख 21 हजार 261 विद्यार्थ्यांनी नोंदणी केली होती. त्यापैकी 8 लाख 69 हजार 10 विद्यार्थ्यांनी परीक्षा दिली. यात मुलींची संख्या 2 लाख 64 हजार 26, तर मुलांची संख्या 6 लाख 4 हजार 981 इतकी आहे. तर तीन ट्रान्सजेंडर विद्यार्थ्यांचा समावेश आहे. 'एनटीए'ने जेईई मेनचा निकाल संकेतस्थळावर आज जाहीर केला. 

- '...तर बाबासाहेबांच्या स्मारकाचा निधी 'वाडिया'साठी द्या' : अॅड. आंबेडकर

दरम्यान, 'जेईई मेन्स'ची दुसरी परीक्षा 5 ते 11 एप्रिल दरम्यान होणार आहे. या परीक्षेत कमी गुण मिळालेल्या विद्यार्थ्यांना आणखी एक संधी उपलब्ध आहे. या दोन्ही परीक्षांमध्ये ज्या विद्याथार्यांना सर्वोत्तम गुण मिळाले आहेत, त्या आधारावर 'जेईई ऍडव्हान्स'साठी पात्रता स्पष्ट होणार आहे.

- जेव्हा ऍमेझॉनचे मालक स्वतः देतात पॅकेजची डिलेव्हरी..

निकालाचे विश्लेषन करताना आयआयटीन्स केंद्राचे संचालक प्रा. दुर्गेश मंगेशकर म्हणाले, यंदाच्या आणि गेल्यावर्षीच्या निकालाची तुलना करता पर्सेंटाईलमध्ये खुप फरक नाही. या निकालावरून खुल्या गटात 90 पर्सेटाईल, तर ओबीसी गटात 75 पर्सेटाईल गुण मिळालेली विद्यार्थी जेईई ऍडव्हान्स परीक्षेसाठी पात्र ठरण्याची शक्‍यता आहे. पुण्यातून 1200 ते 1300 विद्यार्थी पात्र ठरतील अशी शक्‍यता आहे. 

- सीमावाद कौरव- पांडवाचे युद्ध नाही : संजय राऊत 

यंदा सहा सत्रांमध्ये ही परीक्षा घेण्यात आली. काही सत्रात प्रश्‍नपत्रिका एकदम सोपी, तर काहींमध्ये काठीण्य पातळी अवघड होती. त्यामुळे प्रत्येक सत्रांतील गुणांमध्ये तफावत असली तरी पर्सेटाईल गुणांत त्याचा फरक पडलेला नाही.