नाशिक : शिवसेना सातत्याने राम मंदिरचा मुद्दा उपस्थित करत आहे. गेल्या आठवड्यात पुन्हा शिवसेनाप्रमुख उद्धव ठाकरे यांनी राम मंदिराचा मुद्दा उपस्थित केला होता. आज, पंतप्रधान नरेंद्र मोदी यांनी महाराष्ट्रात येऊन, राम मंदिराबाबत शिवसेनेला सबुरीचा सल्ला दिला आहे. विशेष म्हणजे, पंतप्रधान मोदींनी नाव न घेता, शिवसेनेचे कान टोचले आहेत.

‘पवारसाहेब तुमची मानसिकताच तसली’; मुख्यमंत्र्यांचे प्रत्युत्तर

शिवसेनेचे नावच घेतले नाही
नाशिकमध्ये आज मुख्यमंत्री देवेंद्र फडणवीस यांच्या महाजनादेश यात्रेचा शेवट झाला. यात्रेच्या समारोपाला पंतप्रधान नरेंद्र मोदी उपस्थित होते. मोदींनी मुख्यमंत्री फडणवीस यांच्या कामाचे कौतुक करताना, जम्मू-काश्मीरसह पाकिस्तान आणि राम मंदिरसारख्या मुद्द्यांवर भाष्य केले. देशात जर बहूमताचे ताकदवान सरकार असले तर, त्याचा परिणाम काय होतो, हे तुम्ही पाहिजे असेल, असे सांगून त्यांनी काश्मीर संदर्भातील कलम ३७० रद्द केल्याचा मुद्दा मांडला. त्याचबरोबर राम मंदिराच्या विषयावरही लवकरच निर्णय होणार आहे. त्यामुळे जरा सबुरीने घ्या, असा टोला शिवसेनेना नाव न घेता लगावला. विशेष म्हणजे, राज्यात शिवसेना भाजप युती एकत्र विधानसभा निवडणुकीला सामोरी जाण्याची शक्यता नेत्यांकडून व्यक्त केली जात आहे. पण, त्याचवेळी महाजनादेश यात्रेच्या समारोपात पंतप्रधान मोदींनी भाषणात शिवसेनेचे नावही घेतले नाही.

‘हमे नया कश्मीर बनाना है’; मोदींचा नवा नारा

मोदींचा टोला शिवसेनेलाच
पंतप्रधान मोदी म्हणाले, ‘राम मंदिर या विषयावर काही दिवसांपासून सातत्याने भाष्य केले जात आहे. पण, हे प्रकरण न्यायालयात आहे आणि न्यायालयाचा सन्मान केला पाहिजे. आपण सगळ्यांनी न्याय व्यवस्थेचा सन्मान करणे आवश्यक आहे. तुम्हाला मी हात जोडून विनंती करत आहे की, या देशाच्या न्याय व्यवस्थेवर आणि घटनेवर विश्वास ठेवा.’ यावेळी पंतप्रधान मोदींनी शिवसेनेचे नाव घेतलेले नाही. पण, राम मंदिराच्या मुद्द्यावर शिवसेना सातत्याने भाष्य करत आहे. त्यामुळे पंतप्रधान मोदींचा टोला हा शिवसेनेसाठीच होता, असे मानले जात आहे.