शिवसेनेतल्या ऐतिहासिक बंडानंतर आता बंडखोर नेत्यांची पक्षातून हकालपट्टी सुरू आहे. शिवसेनेच्या पुनर्बांधणीसाठी आता शिवसेना पक्षप्रमुख उद्धव ठाकरेंनी बंडखोर नेत्यांवर कठोर कारवाई करण्यास सुरूवात केली आहे. शिवसेना नेते विजय शिवतारे यांचीही आता पक्षातून हकालपट्टी करण्यात आली आहे. (Shivsena Vijay Shivtare News)
'सामना' या शिवसेनेच्या मुखपत्रातून ही माहिती देण्यात आली आहे. पक्षविरोधी कारवाया केल्याप्रकरणी विजय शिवतारे (Vijay Shivtare) यांची पक्षातून हकालपट्टी करण्यात आली आहे. तसंच त्यांचं शिवसेना (Shivsena) सदस्यत्वही रद्द करण्यात आलं आहे. उद्धव ठाकरेंच्या (Uddhav Thackeray) आदेशानुसार ही कारवाई करण्यात आल्याचं वृत्त सामनातून देण्यात आलं आहे.
विजय शिवतारे हे शिवसेनेचे माजी आमदार आहे. ते पुरंदर तालुक्यातून शिवसेनेचं प्रतिनिधीत्व करतात. विजय शिवतारे यांनी एकनाथ शिंदे (Eknath Shinde) गटात प्रवेश केल्यानंतर त्यांच्यावर ही कारवाई कऱण्यात आली आहे. पक्षबांधणीसाठी शिवसेना पक्षप्रमुख उद्धव ठाकरे आक्रमक झाले आहेत. त्यांनी मातोश्रीवर बैठका घेण्याचा धडाकाच लावला आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.