पुणे : महाविकासआघाडीच्या नवीन सरकारच्या एका समितीमध्ये शिवसंग्रामचे संस्थापक आणि शिवस्मारक समितीचे अध्यक्ष आमदार विनायक मेटे यांना संधी मिळाली आहे. विधान परिषदेच्या कामकाज सल्लागार समितीवर ते विशेष निमंत्रीत सदस्य असतील. सभापती रामराजे नाईक निंबाळकर यांनी त्यांची नेमणूक केली आहे.
सध्याच्या विधान परिषदेत विनायक मेटे सर्वात वरिष्ठ आमदार आहेत. मराठा महासंघाच्या माध्यमातून मराठा आरक्षण लढ्याच्या चळवळीतून पुढे आलेल्या विनायक मेटे यांना प्रथम युती सरकारमध्ये विधान परिषदेवर संधी मिळाली. त्यानंतर त्यांनी राष्ट्रवादी कॉंग्रेसमध्ये प्रवेश केल्यानंतर त्यांना पुन्हा तीन वेळा विधान परिषदेवर संधी मिळाली. मागच्या वेळी भाजपनेही त्यांना पुन्हा विधान परिषदेवर घेतले.
पाच वर्षानंतर पुन्हा जळाला संसार; पुण्यातील महिलेची करुण कहाणी
दरम्यान, त्यांना मागच्या सरकारने आंतरराष्ट्रीय शिवस्मारक समितीचे अध्यक्ष केले होते. आता नवीन सरकारमध्येही त्यांना विधान परिषदेच्या कामकाज सल्लागार समितीवर स्थान मिळाले आहे. विधान परिषदेचे सभापती रामराजे नाईक निंबाळकर, मुख्यमंत्री उद्धव ठाकरे या समितीचे सदस्य आहेत. तर तीन विशेष निमंत्रितांत विनायक मेटे यांचा समावेश आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.