विधानसभेच्या अर्थसंकल्पीय अधिवेशनात सोमवारला विधानसभेचे विरोधी पक्ष नेते देवेंद्र फडणवीसांनी एक पेनड्राईव्ह सादर केला होता. त्यावेळी त्यांनी मुस्लिम वक्फ बोर्डाचे सदस्य डॉ. मुदस्सीर लाम्बे यांचे अंडरवर्ल्ड डॉन दाऊद इब्राहिमशी संबंध असल्याचे गंभीर आरोप केले होते तर आता या प्रकरणाला नवीन वळण येण्याची शक्यता आहे कारण आरोप केलेल्या डॉ. मुदस्सीर लाम्बे यांनीच फडणवीसांचा सत्कार केल्याचा एक व्हिडिओ सध्या सोशल मिडियावर व्हायरल होत आहे. हा व्हिडीओ रिट्वीट करत कॉंग्रसे नेते सचिन सावंत यांनी फडणवीसांना टोला लगावलाय. (Devendra Fadnavis felicitated by dawoods man Dr. Mudassir Lambe)

सचिन सावंत यांनी डॉ. मुदस्सीर लाम्बे फडणवीसांचा सत्कार करत असल्याचा व्हिडीओ रिट्वीट केलाय आणि कॅप्शनमध्ये लिहिले, “तथाकथित दाऊदशी संबंधित व्यक्तीकडून सत्कार.... शांतम् पापम्...शांतम् पापम्”

देवेद्र फडणीवस यांनी महाविकास आघाडी सरकारमधील काही नेत्यांवर अंडरवर्ल्ड डॉन दाऊद इब्राहिमशी संबंध असल्याचे गंभीर आरोप केले होते. विधानसभेच्या अर्थसंकल्पीय अधिवेशनात सोमवारला विधानसभेचे विरोधी पक्ष नेते देवेंद्र फडणवीसांनी एक पेनड्राईव्ह सादर केला होता. त्यावेळी त्यांनी डॉ. मुदस्सीर लाम्बे यांचे अंडरवर्ल्ड डॉन दाऊद इब्राहिमशी संबंध असल्याचे गंभीर आरोप केले होते

डॉ. मुदस्सीर लाम्बे यांची नियुक्ती राष्ट्रवादीचे नेते नवाब मलिक यांनीच केल्याचा आरोपही फडणवीसांनी केला होता. आताव्हायरल व्हिडिओमध्ये डॉ. मुदस्सीर लाम्बे हे फडणवीसांचा सत्कार करताना दिसत असल्याने प्रश्नचिन्ह निर्माण झाले