राज ठाकरे यांच्या घरातल्या नव्या पाहुण्याला आज ओळख मिळाली आहे. राज ठाकरे यांचा नातू आणि अमित ठाकरे यांच्या मुलाचा नामकरण सोहळा आज पार पडला. या बाळाचं नाव किआन असं ठेवण्यात आलं. या नावाचा अर्थ काय, हे नाव भारतीय आहे की परदेशी, हेच नाव का निवडलं, असे अनेक प्रश्न या नावाच्या भोवती निर्माण झाले आहेत. तेव्हा जाणून घ्या या नावाचा अर्थ.
राज ठाकरे यांच्या नातवाचा नामकरण सोहळा मित्र परिवार आणि कुटुंबीयांच्या उपस्थितीत शिवतीर्थ या त्यांच्या निवासस्थानी पार पडला. किआन असं या नव्या पाहुण्याचं नाव ठेवण्यात आलं आहे. गेल्या महिन्यात पाच एप्रिल रोजी किआनचा जन्म झाला. अनेकांना किआन हे परदेशी नाव वाटत असलं, तरी किआन हे हिंदू धर्मातलं नाव असल्याचे काही दाखले आढळतात. या नावाचे विविध अर्थ आढळतात.
देवाची कृपा, प्राचीन, राजेशाही असे या नावाचे अर्थ सांगितले जातात. ज्याची रास मिथुन आणि नक्षत्र मृग आहे, त्यांचं हे नाव ठेवलं जातं. या नावावरून सोशल मीडियावर जोरदार चर्चा रंगल्या आहेत. या नव्या पाहुण्यामुळे सध्या ठाकरे कुटुंबात उत्साह आणि आनंदाचं वातावरण आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.