पुणे - विजेचे बिल कमी व्हावे, या उद्देशाने हजारो रुपये खर्च करून सोलर रूफटॉप बसविणाऱ्यांना आता प्रतियुनिट चार रुपये ४६ पैशांनी महवितरणाला बिल भरावे लागणार आहे. आवश्‍यकतेपेक्षा जास्त वीज निर्माण करून ती महावितरणला दिली, आणि नाही दिली, तरीदेखील हे पैसे भरावे लागणार आहेत. महावितरणने वीज नियामक आयोगापुढे सादर केलेल्या वीजदरवाढीच्या प्रस्तावात प्रथमच ‘ग्रीड सपोर्ट चार्जेस’ लागू करण्याची शिफारस केल्याने राज्यातील अनेक सोसायट्यांना याचा फटका बसणार आहे.

ताज्या बातम्यांसाठी डाऊनलोड करा ई-सकाळचे ऍप

अपारंपरिक ऊर्जेचा वापर वाढावा, यासाठी एकीकडे केंद्र आणि राज्य सरकार प्रोत्साहन देत आहे. दुसरीकडे मात्र महावितरणने त्याला चालना देण्याऐवजी सोलर रूफटॉप वापरणाऱ्या ग्राहकांकडून ‘ग्रीड सपोर्ट चार्जेस’च्या गोंडस नावाखाली शुल्क वसूल करून योजनेलाच खो घालण्याचा प्रयत्न चालविला असल्याचे या प्रस्तावावरून समोर आले आहे. आतापर्यंत सोलर रूफटॉप बसविणाऱ्या ग्राहकांकडून केवळ स्थिर आकार (फिक्‍स चार्जेस) घेण्यात येत होते. आता मात्र फिक्‍स चार्जेसबरोबरच प्रतियुनिट ४ रुपये ४६ पैसे ‘ग्रीड सपोर्ट चार्जेस’ म्हणून महावितरणला भरावे लागणार आहेत.

पुण्याहून हैदराबाद, बेंगळुरूसह प्रयागराजसाठीही रोज फ्लाइट्स

सध्या सोलर रूफटॉपद्वारे निर्माण विजेचा वापर स्वत:साठी आवश्‍यक तेवढा करून राहिलेली वीज