मुंबई - उपमुख्यमंत्री देवेंद्र फडणवीस यांच्या पत्नी अमृता फडणवीस यांनी एका डिझायनर विरोधात गुन्हा दाखल केला आहे. डिझायरने अमृता फडणवीसांना १ कोटींची लाच ऑफर केली तसेच धमकावल्याचा आरोप करण्यात आला आहे. त्यांच्या तक्रारीनंतर मलबार हिल पोलिस ठाण्यात गुन्हा दाखला करण्यात आला असून लाच देण्याचा प्रयत्न करणाऱ्या अनिक्षा जयसिंघानी हिला अटक केली आहे.

अनिक्षा जयसिंघानी ही लेखिका आणि कवयित्री आहे. तिचा एक कवितासंग्रह प्रसिद्ध झाला आहे. अनिक्षी हिचे वडील वडील व्यापारी आणि हॉटेल व्यावसायिक असल्याचं सांगण्यात आलं होतं. मात्र ते बुकी असल्याचा दावा करण्यात आला आहे.

अनिक्षाने मुंबई विद्यापीठातून इंग्रजी साहित्यात पदव्युत्तर शिक्षण घेतले आहे. शालेय जीवनापासूनच तिला लेखनाची आवड होती. सध्या ती डीएम हरीश स्कूल ऑफ लॉ दक्षिण बॉम्बे येथून एलएलबी करत आहे.

अनिक्षाने अनेक स्पर्धा आणि कार्यशाळांमध्ये भाग घेतला आहे. तसेच अनेक पुरस्कारही जिंकले आहेत. शिवाय ती टाइम्स बिझनेस मॅगझिनमध्येही झळकली होती.