बॉलिवूडमधील प्रसिद्ध अभिनेता आमिर खान (aamir khan) त्याच्या वैयक्तिक आयुष्यामुळे चर्चेत असतो. काही महिन्यांपूर्वी आमिर आणि किरण रावने (Kiran Rao) घटस्फोट घेतला. तेव्हा आमिरबद्दल अनेक नेटकऱ्यांनी सोशल मीडियावर आपली मतं व्यक्त केली होती. आता आमिरचा भाऊ फैजल खानचा (faissal khan) एक व्हिडीओ सोशल मीडियावर प्रचंड व्हायरल होत आहे. या व्हिडीओमुळे अनेकांनी आमिरला ट्रोल केले आहे.

बरीच वर्षे बॉलिवूडमधून ब्रेक घेतल्यानंतर आमिरचा भाऊ फैजल खान लवकरच ‘फॅक्टरी’ या चित्रपटामधून कमबॅक करणार आहे. सध्या सोशल मीडियावर तो चर्चेत आहे. फैजलचा वडापाव खातानाचा व्हिडीओ सोशल मीडियावर व्हायरल झाला आहे. या व्हिडीओमध्ये फैजल म्हणतो, 'मला वडापाव खूप आवडतो. मुंबईचा वडापाव मी लहानपणापासून खातोय. माझ्या शाळेच्या कॅन्टीनमध्ये देखील वडापाव मिळत होता' या व्हिडीओला कमेंट करत अनेकांनी आमिरला ट्रोल केले आहे. 'आमिरने भावाचं आयुष्य उद्धवस्त केलं', अशी कमेंट एका नेटकऱ्याने केली. तर दुसरा युझर म्हणाला, 'तो खूप निरागस आणि साधा दिसतोय.'

विक्रम भट्ट यांच्या ‘मदहोश’ या चित्रपटातून फैजलने अभिनयक्षेत्रातील करिअरला सुरुवात केली होती. ‘प्यार का मौसम’ या चित्रपटात फैजलने शशी कपूर यांच्या लहानपणीची भूमिका साकारली होती. 2000 मध्ये प्रदर्शित झालेल्या मेला या चित्रपटातील अभिनयामुळे फैजलला विशेष लोकप्रियता मिळाली. 'जो जीता वही सिकंदर' या चित्रपटामध्ये देखील फैजलने काम केले आहे. 3 सप्टेंबर रोजी फैजलचा ‘फॅक्टरी’ हा चित्रपट प्रदर्शित होणार आहे. या चित्रपटाचा ट्रेलर प्रदर्शित झाला असून ट्रेलरमधील फैजलच्या भूमिकेन अनेकांचे लक्ष वेधले आहे.