Aamir Khan Meets Dangal Actor Suhani Bhatnagar Parents: बॉलीवूडमध्ये ज्या चित्रपटाचा सर्वोत्तम चित्रपटांच्या यादीत आवर्जुन सहभाग केला जातो त्या दंगल चित्रपटातील एका बालअभिनेत्रीचा मृत्यू झाल्याची (Suhani Bhatnagar Death)बातमी समोर आली होती. सुहानी भटनानगर असे तिचे नाव होते.

दंगलमध्ये सुहानीनं छोट्या बबिता फोगाटची भूमिका केली होती. तिच्या (Dangal Movie news) निधनानं अनेकांना मोठा धक्का बसला होता. वयाच्या अवघ्या १९ व्या वर्षी सुहानीचं निधन झालं होतं.

सुहानीच्या घरी पोहचला आमिर खान...

दंगलमधील बालकलाकार सुहानी भटनानगरच्या निधनानं चाहत्यांना मोठा धक्का बसला होता. १६ फेब्रुवारी रोजी तिचं निधन झालं होतं. यानंतर (Aamir Khan Suhani Home Visit) आता आमिर खाननं तिच्या फरिदाबाद सेक्टर १७ मध्ये जाऊन तिच्या कुटूंबियांची भेट घेतली आहे. त्यावर नेटकऱ्यांनी प्रतिक्रिया दिल्या आहेत.

आमिर खान आमच्या घरी आले हीच आमच्यासाठी मोठी गोष्ट...

सुहानी भटनानगरनं दंगलमध्ये छोट्या बबिता फोगाटची भूमिका साकारली होती. तिच्या निधनानंतर आमिर खाननं तिच्या घरी जाऊन कुटूंबियांची भेट घेऊन त्यांचे सांत्वन केले आहे. यापूर्वी दंगलच्या टीममधील अनेक कलाकारांनी भटनानगर कुटूंबियांना भेटून त्यांना आधार दिला होता. त्याचे फोटो आणि व्हिडिओ व्हायरल झाले होते.

आमिर खाननं सुहानीच्या फोटोला फुलं वाहत तिला श्रद्धांजली वाहिली आहे. आमिरनं यावेळी म्हटलं आहे की, मी भटनानगर कुटूंबियांच्या सोबत आहे. त्यांच्यावर ओढावलेला प्रसंग खूपच विदारक आहे. सुहानीच्या आईनं यावर प्रतिक्रिया दिली आहे. आमच्या मुलीला आमिर यांनी लक्षात ठेवले हीच आमच्यासाठी मोठी गोष्ट असल्याचे म्हटले आहे.

कसा झाला होता मृत्यू?

सुत्रांनी दिलेल्या माहितीनुसार, असं म्हटलं जातं की, मृत्यूपूर्वी सुहानीचा अपघात झाा होता. तिच्यावर उपचारही सुरु होते. मात्र ती घेत असलेल्या औषधांच्या साईड इफेक्टमुळे तिला प्राण गमवावे लागले. त्या औषधांमुळे तिच्या शरीरात पाणी झाले होते. तिच्या निधनानं सोशल मीडियावर वेगळ्या चर्चांना उधाण आले होते.